41:376  qu'il  y  ha  un  blaspheme  execrable  contenu  en  ce  decret  ici,  qu'on  ne  face  requeste  ni  a  Dieu,  ni  a  homme,  par  l'espace  de  trente  iours,  sinon  au  Roy.  Qu'est-ee  a  dire  qu'un  Roy  se  vueille  attribuer  une  telle  maieste,  que  Dieu  ne  soit  plus  rien?  Faut-il  qu'il  presume  seulement  de  penser,  ie  serai  prie,  et  non  pas  Dieu,  et  pauvre  malheureux,  pauvre  ordure,  regarde  a  toy-mesmes,  peux-tu  subsister  une  minute  de  temps,  que  tu  n'aies  recours  a  Dieu?  qui  est-ce  qui  te  maintient?  Qui  fust  venu  dire  au  Roy  Darius  :  Vous  defendes  qu'on  ne  prie  point  Dieu,  et  vous  en  pouves-vous  passer  vous-mesmes?  Vostre  vie  est  elle  de  vous?  ne  faut-il  point  que  vous  pries  a  Dieu  qu'il  vous  maintienne,  ou  autrement  vous  perires  en  un  instant.  Il  est  certain  qui  eust  ainsi  parle  a  Darius,  qu'il  eust  confesse  cela  estre  veritable,  car  il  estoit  bon  prince,  il  prisoit  et  honoroit  le  Dieu  d'Israel,  il  est  vrai  qu'il  avoit  bien  quelque  ambition  qui  le  transportoit,  apres  avoir  preste  l'aureille  aux  flatteurs  qui  le  pouvoient  divertir  du  droit  chemin,  mais  si  avoit-il  quelque  semence  de  crainte  de  Dieu,  et  de  foy,  et  cependant  il  est  la  transporte  de  ces  flateries  qu'on  luy  fait,  quand  on  luy  donne  a  entendre,  qu'il  faut  qu'il  defende  qu'on  ne  prie  nul  Dieu,  ni  homme,  et  qu'il  s'attribue  toute  autorite  et  toute  maieste,  comme  s'il  pouvoit  arracher  Dieu  de  son  siege,  pour  dire  ie  demourerai  la  seul:  voila  une  merveilleuse  presomption  quand  il  est  amene  iusques  la,  il  faut  bien  qu'il  soit  saisi  d'une  terrible  rage.  Or  toutesfois  quand  nous  aurons  bien  tout  regarde,  l'intention  de  Darius  n'eust  point  este  telle,  si  on  ne  luy  fust  venu  souffler  aux  oreilles  que  cela  se  feist,  car  comme  il  estoit  un  bon  prince,  il  est  certain  qu'il  vouloit  donner  gloire  a  Dieu,  et  non  point  aux  idoles  qu'il  avoit  adorees  tout  le  temps  de  sa  vie,  mais  qu'il  adoroit  le  Dieu  d'Israel,  et  toutesfois  il  s'accorde  et  permet  que  pour  un  temps  la  maieste  de  Dieu  soit  comme  ensevelie,  et  que  luy  soit  mis  comme  en  la  place  de  Dieu,  pour  luy  presenter  toutes  les  requestes  qu'on  aura  a  faire,  qui  est  un  blaspheme  execrable  (comme  desia  nous  avons  dit)  et  c'est  un  passage  qui  est  bien  digne  d'estre  note,  car  a  tous  les  coups,  les  princes  feront  des  statuts,  et  des  edicts,  pour  maintenir  leur  autorite,  et  cependant  ils  desrogueront  a  la  maieste  de  Dieu,  un  prince  fera  une  loy  pour  s'entretenir  en  sa  grandeur,  et  il  ne  regardera  pas  cependant  si  Dieu  est  abaisse  ou  non,  s'il  est  diminue  en  rien  qui  soit  de  l'honneur,  de  la  reverence  que  luy  doivent  tous  hommes,  et  grans  et  petis.  Il  est  vrai  qu'il  faut  bien  que  les  princes  soient  maintenus  ea  leur  autorite,  et  qu'on  leur  porte  telle  reverence  qu'il  leur  appartient,  mais  il  faut  aussi  que  de  leur  coste  ils  tiennent  mesure,  et  sur  tout  qu'ils  ne  facent  et  n'ordonnent  rien  qui  contrevienne  a  la