25:376  pecus  in  agris  dispersum.  Quod  etiam  ex  alio  loco  clarius  liquet,  ubi  haud  dubie  respexit  ad  hunc  locum  propheta:  Vidit  Iehova  afflictionem  Israelis  aggravari  valde,  ut  non  esset  clausus  neque  derelictus  (2.  Reg.  14,  26).  Et  quia  non  statuerat  delere  populum,  ideo  liberavit  eum  per  manum  Ieroboam:  quasi  diceret,  Deum  sicuti  pollicitus  fuerat,  in  ultima  vastitate  misertum  esse  populi  sui.  EX  DEUT.  CAP.  XXXII.  37.  Et  dicet:  Ubi  sunt  dii  eorum,  deus  in  quo  sperabant?  38.  Qui  adipem  sacrificiorum  illorum  comedebant,  et  bibebant  vinum  libaminis  illorum:  surgant  et  opitulentur  vobis,  sit  super  vos  absconsio.  39.  Videte  nunc  quod  ego,  ego  sum,  et  non  sunt  dii  mecum:  ego  mori  fadum,  et  vivere  faciam:  percutiam,  et  ego  sanabo,  et  nemo  est  qui  de  manu  mea  eruat.  40.  Certe  levabo  ad  coelum  manum  meam,  et  dicam:  Vivo  ego  in  saeculum.  41.  Si  acuero  aciem  gladii  mei,  et  arripuerit  iudicium  manus  mea,  reddam  ultionem  hostibus  meis,  et  odio  habentibus  me  retribuam.  42.  Inebriabo  sagittas  meas  sanguine,  et  gladius  meus  devorabit  carnem,  sanguine,  inquam,  occisorum  et  captivorum  a  capite  in  ultionibus  inimici.  43.  Laudate  gentes  populum  eius,  quia  sanguinem  servorum  suorum  vindicabit,  et  vindictam  reddet  hostibus  suis,  et  propitius  erit  terrae  suae,  populo  suo.  37.  Et  dicet:  Ubi  sunt.  Dissentiunt  hic  interpretes,  quia  alii  sermonem  continuant,  ac  si  iactantias,  et  insultationes  hostium  referret  Moses  in  afflicto  ecclesiae  statu:  alii  vero  piam  gloriationem  esse  volunt,  qua  fideles  celebrabunt  ecclesiae  liberationem.  Si  sermonem  accipimus  in  persona  hostium,  improprie  nomen  deorum  positum  erit  in  plurali  numero:  deinde  ex  errore  et  inscitia  procedet  quod  additur,  Israelitas  comedisse  adipem:  quod  illis  ne  in  communi  quidem  victu  fas  erat,  ac  multo  minus  in  sacrificiis,  in  quibus  adeps  comburebatur  Mihi  vero  magis  probatur  diversa  expositio:  nempe  vice  conversa,  liberam  filiis  Dei  copiam  fore  insultandi  incredulis,  ubi  Deus  vindex  apparuerit  iniustae  saevitiae.  Verbum  Dicet  indefinite  sumitur  pro  Dicetur  a  quibuslibet  filiis  Dei.  Quemadmodum  itaque  increduli,  dum  affligi  vident  sanctos,  eorum  fidem  petulanter  subsannant,  ita  vicissim  Moses,-  ubi  Deus  ecclesiae  suae  opitulatur,  sanctos  inducit  per  ludibrium  rogantes,  ubi  sint  dii  gentium,  et  ubi  sit  cuiusque  patronus:  quoniam  singulis  (ut  notum  est)  erant  dii  tutelares.  Hac  ratione  perstringunt  adulterina  et  impura  sacrificia,  in  quibus  adipem  comedebant,  et  bibebant  libamen  vini.  In  summa,  intelligit  Moses,  ubi  Deus  suis  succurrit,  os  illis