9:375  375  EXPOSITIO  IMPIETATIS  376  Ubi  probaveris  essentiatum  esse  filium,  de  [pag.  28]  solo  patre  extorquebis  !)  quidquid  voles.  Interea  si  numen  patris  superius  est,  mentitus  est  apostolus,  filium  ei  aequalem  asserens.  IX.  Qui  unum  Deum  in  tres  proprietates  seu  personas  distinguit,  vel  sibi  praestigias  facit,  vel  necessario  unius  Dei  substantiam  dividit  atque  discerpit.  Cuius,  obsecro,  pudoris  est,  obscuram  paedagogum  verbulo  uno  iudicium  ferre  de  cunctis  ecclesiae  scriptoribus?  Probet  ergo,  vel  neminem  sanum  movebit  eius  temeritas.  X.  Deus  habuit  vim  generandi  ac  propagandi,  quia  voluit:  ideoque  et  λόγον  ante  saecula  genuit,  et  spiritum  propagavit.2)  Hac  sententia  minime  labefactatur  nostra  fides,  quando  ingenue  tradimus  καθ'  ὑπεροχὴν  3)  Dei  nomen  patri  proprie  ascribi.  XI.  Aeterna  λόγον  substantia  principium  et  originem  habet  a  Deo,  quatenus  genita  ac  distincta  sit,  non  quatenus  sit.  Non  enim  est  ex  nihilo  creata,  aut  de  aliqua  non  exstante  materia  facta,  sed  de  immensa  substantia  illius  summi  Dei  genita.  Si  diceres  filii  originem  esse  a  patre,  quatenus  est  genitus,  nihil  esset  controversiae.  Essentiam  vero  genitam  probes,  si  quem  velis  tuo  commento  [pag.  29]  acquiescere.  Interea  notemus  Christi  essentiam,  quatenus  est,  carere  origine.  Quod  si  in  filio  est  aeterna  patris  essentia,  evinco  personam  esse  communicabilem.  Quod  addit  de  immensa  substantia  Dei  summi  esse  genitam,  non  aliter  stabit,  quam  si  concedat  aut  immensitatem  essentiae  residere  in  Christo,  aut  aliquam  eius  portionem.  Si  communis  est  filio  essentiae  immensitas,  sequetur  esse  interminatum.  Quid  ergo  fiet  primae  prothesi?  Atqui  substantiam  Dei  facere  partibilem,  detestabile  sacrilegium  est.  XII.  Qui  Filium  αὐτόθεον  esse  contendit,  is  vel  duo  asserat  principia,  vel  turrim  Babel  aedificet  necesse  est.  Tibi  vero  non  adeo  facile  erit  solo  virulentae  1)  mais  que  tu  ayes  prouve  que  le  Fils  a  receu  son  essence  du  Pere,  tu  arracheras  ce  que  tu  voudras.  2)  a  produit.  3)  par  prerogative.