7:375  375  ACTA  SYNODI  TRIDENTINAE  376  bona  diripuerunt,  cursum  verbi  Dei  impediverunt  Hic,  inquam,  dicimus,  nihil  horum  esse,  quod  in  libro  abusuum  pastorum  maxima  illorum  pars,  qui  hoc  nomen  [pag.  16]  sibi  vendicant,  per  se  factum  esse,  si  legere  libuerit,  non  scriptum  apertis  verbis  inveniat.  Nostram  enim  ambitionem,  nostram  avaritiam,  nostras  cupiditates,  his  omnibus  malis,  populum  Dei  prius  affecisse  statim  inveniet,  atque  harum  vi  ab  ecclesiis  pastores  fugari,  easque  pabulo  verbi  privari,  bona  ecclesiarum,  quae  sunt  bona  pauperum,  ab  illis  tolli,  indignis  sacerdotia  conferri,  et  illis,  qui  nihil  a  laicis,  praeterquam  in  vestis  genere,  ac  ne  in  hoc  quidem  differunt,  dari.  Quid  enim  horum  est,  quod  negare  possimus  per  hos  annos  a  nobis  factum  esse?  Quare,  si  Turca,  si  haeretici  hoc  idem  adversus  nos  faciunt,  quid  hic  aliud,  quam  flagitia  nostra,  et  simul  iustum  Dei  iudicium  videmus?  iudicium  vero  plenum  misericordia:  si  enim  pro  meritis  nos  castigaret,  iampridem  sicut  Sodoma  et  Gomorrha  fuissemus.  Cur  vero  haec  nunc  commemoramus?  An  ut  vos  confundamus?  Absit.  Sed  magis  vos,  ceu  patres  et  fratres  carissimos,  primum  autem  nosmet  ipsos  admoneamus,  [pag.  17]  quo  pacto  haec  quibus  nunc  affligimur  flagella,  et  graviora  quae  impendent,  nisi  resipiscamus,  vitare  possimus,  ut  effugiamus  tremendum  illud  Dei  iudicium,  omnibus  quidem  non  resipiscentibus  tremendum,  maxime  vero  illis,  qui  praesunt  Iudicium  enim  grave,  inquit  Scriptura,  his  qui  praesunt  fiet.  Iudicium  vero  incipere  nunc  videmus  a  domo  Dei.  Dum  enim  nunc  eiiciuntur  sacerdotes,  dum  conculcantur  ab  hominibus:  quid  aliud  hoc  indicat,  quam  divinum  de  nobis  iudicium,  quod  praedixit  Christus,  quum  diceret,  sacerdotes  suos  esse  sal  terrae  :  quod  si  sal  evanuerit,  ad  nihil  valere  ultra,  nisi  ut  eiiciatur  foras,  et  conculcetur  ab  hominibus?  Haec  vero  omnia  nos  nunc  patimur.  Quod  si  propter  iustitiam,  ut  nostri  maiores,  beati  nos  quidem:  at  nunc  iuste  quidem,  quia  sal  evanuit:  minime  autem  propter  iustitiam  patimur:  in  omnibus  enim  nostris  afflictionibus  videmus  iudicium  Dei.  Atque  utinam  quidem  illud  videremus:  [pag.  18]  hoc  enim  initium  esset  omnia  Dei  iudicia,  et  flagella  effugiendi,  atque  in  gratiam  et  veram  gloriam  ingrediendi.  Quae  res  fecit,  ut  in  his  commemorandis  acriores  et  longiores  fuerimus.  Nisi  enim  haec  bene  cognita  et  perspecta  fuerint,  frustra  intramus  in  Concilium,  frustra  invocamus  Spiritum  sanctum,  qui  primum  ingressum  in  animam  hominis  semper  facere  solet  per  ipsius  hominis  condemnationem,  ut  condemnet  mundum  de  peccato.  Quare,  nisi  ille  Spiritus  nos  apud  nosmet  ipsos  primum  condemnaverit,  nondum  illum  ingressum  esse  ad  nos  affirmare  possumus  :  ac  ne  ingressurum  qwdem,  si  peccata  nostra  audire  recusamus.  Idem  enim  dicetur  nobis,  quod  populo  veteri  per  prophetam  Ezechielem  est  dictum,  quum  nondum  agnitis  suis  sceleribus  Deum  per  prophetam  interrogare  vellent  Sio  autem  ait  propheta:  Venermt  viri