6:375  RESPONSIO  CONTRA  PIGHIUM  (Prov.  21,  1),  ita  cor  regis  in  manu  Dei:  quocunque  voluerit,  inclinabit  illud.  Quid  ergo,  quum  doceo  cor  fidelis,  quod  Dominus  singulari  modo  suscepit  regendum,  flecti  ac  formari  eius  spiritu,  verbi  novitate  ac  insolentia  offenditur  Pighius?  Queritur  enim  me  novam  loquendi  formam  introducere,  cui  non  assueti  sint  fideles.  Verissimum  est  quod  vulgo  iactatur,  de  nullo  dubitare  stultos:  quod  ex  veteri  et  elegantiori  proverbio  natum  est.  Ecce  enim  ut  sola  sua  inscitia  armatus  Pighius,  bellum  Deo  et  hominibus  indicere  simul  audeat.  Profertur  loquutio,  quam  spiritus  sanctus  primum,  deinde  et  sacri  doctores,  eius  magisterium  sequuti,  familiariter  usurpant.  Audacter  excipit,  ab  ecclesiae  catholicae  usu  abhorrere.  Adducitur  [pag.  198]  Paulus  testis.  Antequam  illi  respondeat,  anathema,  si  aliud  quid  dixerit,  quam  quod  sibi  persuasit  ecclesiam  sentire,  non  dubitanter  minatur.  Sed  qua  fiducia?  Notum  est  illud:  Ignorantia  confidentiam  parit.  Paulo  post  tamen,  moderatior  iam  factus,  haec  non  mea,  sed  bpiritus  sancti  verba,  utcunque  impropria  sint,  non  multum  habere  incommodi  concedit,  nisi  me  animadverteret  impietatis  meae  venenum  illis  insinuare  velle:  Deum  scilicet  uti  corde  nostro  aut  voluntate  in  bonis  operibus,  sicut  arreptitiorum  membris  maligni  spiritus  utuntur,  dum  per  eos  responsa  dant  et  loquuntur,  quae  ipsi  non  intelligunt.  Verum  quum  omnem  illi  occasionem  ante  abstulerim,  ne  quid  de  me  tale  suspicari  posset,  cur  divinat,  quod  timeri  nullo  modo  debuit?  Exposueram,  velle  inesse  hominibus  ex  natura:  ex  naturae  vero  corruptione  fieri,  ut  non  nisi  male  possimus  velle;  esse  igitur  proprium  Dei  donum,  ut  bene  velimus.  Quam  hic  syllabam  inveniet,  quae  materiam  praebeat  tali  calumniae  ?  At  non  dissimulanter  postea  id  me  sensisse  aperio:  quia  contentus  non  sim,  si  quis  dicat  voluntatem,  alias  non  prorsus  malam,  sed  infirmam  ac  debilem,  subsidio  gratiae  adiuvari:  atque  ad  eam  rem  prophetae  testimonio  utor:  Dabo  vobis  cor  novum,  et  spiritum  novum  ponam  in  medio  vestri;  auferam  a  vobis  cor  lapideum,  et  dabo  vobis  cor  carneum  (Ez.  36,  26).  Deinde  subiicio.  Hac  similitudine  non  ostendere  vult  Deus,  mollitiem  cordibus  nostris  inesse,  flexilem  alias  in  recti  obedientiam,  sed  quae  per  se  infirma  gratiae  suae  adminiculo  indigeat,  sed  nihil  penitus  boni  expressum  iri  a  corde  nostro,  nisi  aliud  fiat.  Nam  si  lapis  in  carnem  transformatur,  quando  ≪ios  ad  recti  studium  Dominus  convertit:  aboletur,  quidquid  est  voluntatis  nostrae  proprium,  et  quod  succedit,  totum  a  Deo  est.  Hic,  qua  plurimum  valet  conviciandi  protervia,  in  me  debacchatur:  clamat  pseudoprophetam  in  veste  ovis  deprehendi  seducentem,  hoc  est,  seorsum  [pap.  199]  ducentem  ab  ovium  caulis  simplices  animas.  Sic  enim  in  illa  sua  crassa  hallucinatione