52:375  375  EPIST.  PAULI  AD  TIMOTHEUM  II  376  t  a  t  i  s  .  Quo  significat  excaecatam  esse  hominis  mentem,  quamdiu  adversus  Deum  et  eius  doctrinam  proterve  exsultat.  Illuminationem  sequitur  liberatio  a  diaboli  servitute.  Nam  infideles  ita  inebriat  Satan,  ut  sopiti  mala  sua  non  sentiant.  Contra  Dominus,  ubi  nobis  veritatis  suae  luce  effulget,  ab  illo  exitiali  veterno  nos  expergefacit,  abrumpit  laqueos  quibus  detinebamur,  et  impedimentis  omnibus  sublatis,  nos  in  obsequium  suum  format.  26.  A  quo  captivi.  Horrenda  sane  conditio:  quum  diabolo  tantum  in  nos  licet,  ut  pro  sua  libidine  huc  et  illuc  tanquam  captiva  mancipia  impellat.  Atqui  talis  est  omnium  eorum,  quos  a  Deo  emancipat  cordis  sui  ferocia.  Atque  hanc  tyrannicam  Satanae  dominationem  quotidie  palam  cernimus  in  reprobis.  Neque  enim  belluino  impetu  ac  tam  furiose  ruerent  in  foeda  quaevis  et  pudenda  flagitia,  nisi  occulta  vi  Satanae  impulsi.  Id  est  quod  ad  Ephesios  capite  2,  2  vidimus,  Satanam  in  incredulis  efficaciam  suam  exercere.  Talia  exempla  nos  monent  ut  sollicite  nos  contineamus  sub  Christi  iugo,  eiusque  spiritui  nos  gubernandos  tradamus.  Neque  tamen  eiusmodi  captivitas  excusat  impios,  ut  ideo  non  peccent,  quia  Satanae  impulsu  peccant.  Tametsi  enim  quod  tam  impotenter  feruntur  ad  malum,  id  a  Satanae  dominatu  provenit  :  nihil  tamen  coacti  agunt,  sed  toto  affectu  inclinant  quo  Satan  eos  rapit.  Ita  fit  ut  voluntaria  sit  eorum  captivitas.  CAPUT  III.  1.  Illud  autem  scito,  quod  extremis  diebus  instabunt  tempora  periculosa.  2.  Erunt  enim  homines  sui  amantes  avari,  fastuosi,  superbi,  maledici,  parentibus  immorigeri,  ingrati,  impii,  3.  carentes  affectu,  nescii  foederis,  calumniatores,  intemperantes',  immites,  negligentes  bonorum,  4.  proditores,  praecipites,  inflati,  voluptatum  amantes  potius  quam  Dei:  5.  habentes  formam  pietatis,  quum  vim  eius  abnegarint.  Et  istos  aversare.  6.  Ex  iis  enim  sunt  qui  subintrant  in  familias,  et  captivas  ducunt  mulierculas  oneratas  peccatis,  quae  ducuntur  concupiscentiis  variis,  7.  semper  discentes,  quum  tamen  nunquam  ad  cognitionem  veritatis  pervenire  valeant.  2.  Illud  autem  scito.  Hac  denuntiatione  diligentiam  eius  magis  acuere  voluit.  Ubi  enim  res  ex  voto  nostro  habent,  magis  securi  reddimur:  necessitas  autem  acrius  pungit.  Ergo  admonet  Paulus  ecclesiam  fore  obnoxiam  gravibus  morbis,  qui  raram  pastorum  fidem,  sedulitatem,  vigilantiam,  prudentiam  et  constantiam  indefessam  requirant.  Ac  si  Timotheo  praeciperet  ut  se  paret  ad  certamina  quae  ardua  ipsum  manent,  plenaque  maximae  sollicitudinis.  Atque  hinc  discamus  quam  non  deceat  nos