41:375  375  SERMON  V.  376  Daniel  estoit  plus  excellent  que  les  autres,  qu'il  faut  que  Dieu  le  mette  la,  comme  un  vaillant  champion,  pour  maintenir  sa  verite,  et  que  comme  ses  compagnons  auparavant  avoient  este  iettes  en  la  fournaise,  qu'aussi  luy,  il  soit  iette  en  la  fosse  des  lyons:  a  fin  que  ceux  qui  estoient  encores  debiles  fussent  encourages,  pour  maintenir  l'honneur  de  Dieu.  Il  est  dit  ici,  que  tous  les  gouverneurs  luy  portent  envie,  et  ne  trouvoient  point  d'occasion  sur  luy,  et  qu'en  la  fin  ils  inventent  que  le  Roy  publie  une  ordonnance,  qu'on  ne  face  nulle  requeste,  ny  a  Dieu,  ny  a  homme,  sinon  a  luy  seul,  sachans  bien  que  Daniel  ne  s'abstiendroit  point  de  prier  Dieu,  et  que  sur  cela  ils  auroient  occasion  de  l'accuser  envers  le  Roy.  Ici  nous  voions  que  ce  n'ha  point  este  une  haine  de  la  religion  que  tenoit  Daniel,  qui  ha  incite  les  gouverneurs  que  Darius  avoit  constitues  sur  la  monarchie  de  Babilonne  et  de  Chaldee.  Ce  n'ha  donc  point  este  pour  haine  qu'ils  eussent  de  la  religion,  mais  seulement  ils  ont  eu  regard  a  leur  profit  particulier,  comme  auiourd'hui  les  princes,  et  leurs  supposts,  ne  persecuteront  pas  les  pauvres  fideles,  pour  zele  qu'ils  aient  de  maintenir  l'autorite  de  Dieu,  c'est  a  dire,  de  leurs  idoles  qu'ils  ont  forgees.  Ils  auront  bien  un  autre  regard,  car  il  ne  leur  chaut  quelle  religion  on  tienne,  il  ne  leur  chaut  quel  Dieu  on  adore:  moiennant  qu'ils  se  puissent  maintenir  en  leur  estat,  ce  leur  est  tout  un  du  reste,  toutesfois  ils  sont  si  malheureux,  qu'il  leur  semble  que  Dieu  les  doive  priver  de  leurs  Royaumes  et  principautes,  s'il  estoit  conneu  et  adore  comme  il  doit,  ils  sont  comme  Herodes,  il  tremble  quand  il  oit  dire,  que  Iesus  Christ  est  nay,  et  qu'il  est  Roy,  il  luy  semble  que  Iesus  Christ  ne  peut  regner,  sinon  que  luy  soit  abatu,  comme  si  le  royaume  de  nostre  Seigneur  Iesus  estoit  pour  destruire  toutes  les  principautes  du  monde:  mais  c'est  le  contraire,  car  quand  Iesus  Christ  regne,  alors  les  princes  sont  tant  mieux  estimes  et  obeis,  alors  nous  connoissons  ce  que  les  incredules  ne  peuvent  point  connoistre,  a  scavoir  que  les  princes  dominent  au  nom  de  Dieu,  mais  ies  princes  incredules  n'entendent  point  cela.  Ils  se  troublent  donc,  toutesfois  et  quantes  que  nostre  Seigneur  approche  d'eux,  et  ainsi  les  pauvres  fideles  sont  auiourd'hui  persecutes,  non  point  pour  zele  qu'aient  les  princes,  de  maintenir  leur  religion,  mais  seulement  pour  ce  qu'il  leur  semble  que  toute  nouveaute  est  fascheuse,  qu'il  y  auroit  danger  qu'un  tel  changement  ne  leur  fust  en  dommage,  et  pourtant  il  se  faut  bien  donner  garde,  que  ceci  ne  vienne  en  avant,  car  il  leur  semble  autrement  que  leur  puissance,  et  leur  autorite  seroit  nulle,  mais  c'est  tout  le  contraire  (comme  i'ay  dit)  tant  y  ha,  que  voila  pourquoy  ils  persecutent,  ainsi  en  font  ceux  ici,  qui  trouvent  cette  occasion  de  persecuter  Daniel.  Or  cependant  si  est-ce