7:374  vexetur,  undenam  ipsa  originem  habuerint,  num  illis  nos  quodammodo  principium,  num  fomentum  dederimus?  Primum  vero  examinemus  initium  haeresum,  quae  hac  nostra  aetate  passim  pullularunt:  quibus  si  negare  volumus  [pag.  13]  nos  principium  dedisse,  quia  nullius  haereseos  ipsi  autor  es  fuimus,  tamen  quum  perversae  de  fide  sententiae,  tanquam  vepres  quaedam  sint,  et  spinae,  quae  in  agro  Domini,  qui  nobis  colendus  commendatus  est,  ortae  sunt,  etsi  illae  quidem  sua  sponte,  ut  solent  aliquando  vitiosae  herbae,  pullularunt:  tamen  qui  non  coluit  quem  debuit  agrum,  qui  non  seminavit,  qui  pullulantes  per  se  non  statim  curam  adhibuit  ut  exstirparet,  non  minus  quidem  principium  illis  dedisse  dicendus  est,  quam  si  ipsas  seminaverit:  praesertim  quum  haec  omnia  a  negligentia  agricolae  ortum  ducant,  et  incrementum  habeant.  Hic  ergo  se  ipsos  excutiant,  qui  sunt  agricolae  in  agro  Domini,  conscientiam  suam  interrogent,  quo  modo  in  eo  colendo,  quo  modo  in  seminando  se  gesserint.  Quod  qui  fecerint  his  praesertim  temporibus,  quibus  paucissimi  agro  Domini  colendo  incumbunt,  non  multum  (credimus)  dubitabunt,  num  ad  ipsos  pullulantium  passim  in  [pag.  14]  Ecclesia  haeresum  culpa  pertineat  Haec  vero  monendi  tantum  causa  dicta  satis  sint  de  his,  quae  ad  primum  caput  pertinent.  Veniamus  ad  secundum,  quod  lapsam  morum  disciplinam,  et  abusus  (ut  vocant)  complectitur.  Hic  vero  nihil  attinet  diu  investigare,  quinam  tantorum  malorum  autores  fuerint,  quum,  praeter  nos  ipsos,  ne  nominare  quidem  ullum  alium  autorem  possimus.  Quare  ad  tertium  accedamus,  quod  impedimenta  pacis  Ecclesiae  in  se  continet:  qualia  sunt  arma  vel  domestica,  vel  externa.  Haec  enim  iampridem  pacem  Ecclesiae  perturbarunt,  et  adhuc  perturbant:  de  quibus  hoc  tantum  dicimus,  si  (quod  Deus  ipse  certissimis  signis  ostendit)  haec  arma  flagella  eius  sunt,  quibus  nos  affligit:  quia  duorum  priorum  capitum  rei  sumus,  in  quibus  nos  excusari  non  possumus:  etiam  horum  armorum  praecipuam  nos  causam  esse,  negare  non  possumus.  Eiusmodi  vero  flagella,  Deum  ob  eam  causam  immittere  censemus,  ut  nos  peccantes  castiget  ;  [pag.  15]  et  peccata  ipsa,  quibus  maiestatem  eius  maxime  offendimus,  nobis  ante  oculos  ponat.  Hic  vero  quisquis  aliquando  animadvertit,  quibus  modis  Ecclesia  armorum  violentia  vexata  fuerit,  secum  ipse  consideret,  quaenam  illa  sint,  in  quibus  praecipue  Ecclesia,  propter  ipsa  arma,  detrimentum  patiatur.  Nec  vero  hic  refert,  de  quorum  armis  loquamur,  sive  de  intestinis  nostrorum  Principum,  sive  de  externis  Turcarum  armis,  quae  superioribus  annis  nos  magnis  calamitatibus  affecerunt:  sive  de  eorum,  qui  ab  obedientia  suorum  pastorum  discesserunt,  et  ipsos  a  suis  sedibus  expulerunt.  Hoc  enim  summatim  dicimus  de  omni  genere  armorum,  si  qui  illa  contra  nos  tractarunt,  a  suis  ecclesiis  pastores  fugarunt,  ordines  confuderunt,  laicos  autem  in  episcoporum  locum  suffecerunt,  Ecclesiae  24*