52:374  e  erudientem  eos  qui  obsistunt:  si  quando  det  illis  Deus  poenitentiam  in  agnitionem  veritatis,  26.  et  excitationem  a  laqueo  diaboli:  a  quo  capti  tenentur  ad  ipsius  voluntatem.  22.  luveniles  cupidates.  Conclusio  superiorum:  nam  quum,  facta  inanium  quaestionem  mentione,  per  hanc  occasionem  ad  notandos  Hymenaeum  et  Philetum  delapsus  esset,  quos  ambitio  et  vana  curiositas  a  recta  fide  abduxerat:  iterum  hortatur  Timotheum  ut  a  peste  tam  noxia  abstineat.  Atque  in  hunc  finem  vitandas  admonet  iuveniles  cupiditates:  quo  nomine  non  intelligit  vel  proterviam  in  venerem,  vel  alias  turpes  lascivias,  vel  dissolutas  libidines  quibus  ut  plurimum  iuvenes  laborant:  sed  quosvis  impetus  ad  quos  fervidior  illa  aetas  plus  aequo  propensa  est.  Si  quod  certamen  motum  fuerit,  multo  citius  incalescunt  iuvenes  quam  maturae  aetatis  viri:  facilius  irritantur,  saepius  labuntur  imperitia,  maiore  etiam  confidentia  et  temeritate  ruunt.  Quare  non  immerito  iuvenem  admonet  Paulus  ut  ab  aetatis  vitiis  diligenter  sibi  caveat,  quae  facile  alioqui  ad  contentiones  inutiles  possent  eum  abripere.  Sequere  iustitiam.  Contrarios  affectus  commendat,  qui  mentem  eius  retinere  possint,  ne  exsultet  iuvenili  aliqua  intemperie.  Ac  si  diceret:  haec  sunt  quibus  totus  addictus  esse  debes,  tuumque  studium  impendere.  Ac  primo  quidem  iustitiam  nominat:  hoc  est,  rectam  vivendi  rationem.  Postea  adiungit  fidem  et  dilectionem,  quibus  illa  proprie  constat.  Pax  ad  praesentem  causam  maxime  pertinet.  Contentiosos  enim  esse  oportet  ac  litigandi  cupidos,  qui  quaestionibus,  quas  prohibet,  delectantur.  Hic  Dei  invocatio  per  synecdochen  generaliter  pro  cultu  capitur:  nisi  ad  professionem  referre  malis.  Sed  quia  in  cultu  Dei  hoc  praecipuum  est  caput,  ideo  saepe  Dei  invocatio  totam  religionem  vel  cultum  Dei  significat.  Caeterum  dubium  est,  quum  pacem  quaerere  iubet  cum  omnibus  Dominum  invocantibus,  proponatne  in  exemplum  omnes  fideles,  ac  si  diceret  hoc  debere  omnibus  veris  Dei  cultoribus  commune  esse  studium  :  an  vero  praecipiat  ut  cum  illis  Timotheus  colat  pacem.  Hic  posterior  sensus  videtur  melius  convenire.  23.  Stultas  vero  quaestiones.  Ideo  stultas  vocat  quia  sunt  ioeruditae:  hoc  est,  nihil  ad  pietatem  conferunt,  qualicunque  alias  acumine  sint  vendibiles.  Hoc  enim  vere  demum  sapere  est,  quum  utiliter  sapimus:  quod  diligenter  notandum  est.  Videmus  enim  quam  praepostera  futilium  argutiarum  admiratione  ducatur  mundus,  et  quantopere  eas  appetat.  Ne  ergo  nos  placendi  ambitio  ad  captandam  ex  tali  ostentatione  gratiam  sollicitet,  semper  nobis  occurrat  hoc  Pauli  elogium:  quae  in  maximo  pretio  habentur  quaestiones,  esse  tamen  insulsas,  eo  quod  sint  infructuosae.  Deinde  malum  etiam  quod  parere  solent,  exprimit:  nec  aliud  dicit  quam  quod  experimur  quotidie:  eas  scilicet  iurgandi  et  digladiandi  praebere  materiam.  Neque  tamen  quidquam  proficit  maior  pars  tot  documentis  admonita.  24.  Atqui  servum  Domini.  Hoc  est  Pauli  argumentum,  servum  Dei  alienum  a  litibus  esse  oportet:  stultae  autem  quaestiones  sunt  litigiosae:  ergo  quisquis  servus  Dei  esse  et  haberi  cupit,  ab  illis  abhorrere  debet.  Quod  si  vel  uno  hoc  nomine  fugiendae  sunt  supervacuae  quaestiones,  quod  servo  Dei  pugnare  est  indecorum:  quam  impudenter  faciunt  qui  assidua  certamina  movendo  venditare  se  data  opera  audent?  Nunc  prodeat  in  medium  papistarum  thaologia:  quid  omnino  in  ea  reperietur  praeter  litigandi  et  pugnandi  artem?  Ergo  quo  quisque  magis  in  ea  profecerit,  eo  magis  erit  ineptus  ad  serviendum  Christo.  Quum  placidum  esse  iubet  servum  Christi,  virtutem  requirit  contentionum  morbo  adversam.  Eodem  pertinet  quod  mox  sequitur,  ut  sit  Stoaxxixoc.  Neque  enim  doctrinae  locus  erit,  nisi  adsit  moderatio  et  aequabile  quoddam  temperamentum.  Quem  enim  modum  tenebit  doctor,  ubi  ad  pugnam  efferbuerit?  Proinde  ut  quisque  ad  docendum  maxime  est  appositus,  ita  a  rixis  et  certaminibus  maxime  abhorret.  Verum  quia  interdum  vel  bilem,  vel  fastidium  movere  potest  quorundam  hominum  importunitas:  ideo  tolerantiam  adiungit,  simul  causam  notans  cur  sit  necessaria:  nempe  quia  pius  doctor  tentare  etiam  debet  an  reducere  in  viam  possit  contumaces  et  praefractos:  quod  fieri  nequit  nisi  adhibita  mansuetudine.  25.  Si  quando  det  illis.  Haec  particula  si  quando  vel  si  forte,  rei  difficultatem  notat:  ut  prope  incredibilis  sit  vel  desperata.  Ergo  intelligit  Paulus,  etiam  erga  indignissimos  esse  mansuetudine  utendum:  atque  ut  nulla  principio  spes  appareat  profectus,  debere  tamen  periculum  fieri.  Eadem  ratione  daturum  Deum  commemorat.  Quia  enim  in  manu  Dei  est  hominis  conversio:  quis  scit  an,  qui  hodie  videntur  indociles,  Dei  virtute  subito  in  alios  homines  mutandi  sint?  Quisquis  ergo  cogitabit  donum  et  opus  Dei  esse  poenitentiam,  plus  sperabit  multo:  et  hac  fiducia  animatus,  plus  laboris  et  studii  impendet  ad  erudiendos  rebelles.  Sic  enim  habendum  est,  nostras  esse  partes  serendo  et  rigando  incumbere:  hoc  dum  agemus,  exspectandum  esse  a  Domino  incrementum.  Ita  nihil  ex  se  proficiunt  conatus  omnes  nostri  ac  labores:  et  tamen  Dei  beneficio  non  sunt  irriti.  Simul  hinc  colligere  licet  quae  sit  vera  eorum  poenitentia,  qui  ad  tempus  immorigeri  fuerunt  Deo.  Nam  eius  initium  constituit  Paulus  in  agnitione  veri-  24*  3  io