47:374  Quum  ergo  instar  maris  tumultuosi  nobis  sit  mundus,  non  alibi  quam  in  Christo  reperietur  vera  pax.  Iam  eius  fruendae  modus,  quem  hic  definit,  notandus  est.  Dicit  pacem  habituros,  si  in  hac  doctrina  profecerint.  Volumus  ergo  in  mediis  afflictionibus  tranquillas  habere  et  solutas  mentes?  attenti  simus  ad  hanc  Christi  concionem,  quae  nobis  pacem  in  ipso  conferet.  Confidite.  Sicuti  variis  afflictionibus  torporem  nostrum  corrigi  decet,  ac  nos  expergefieri  ad  quaerendum  malorum  remedium,  ita  non  vult  Dominus  nos  animis  frangi,  sed  potius  alacriter  pugnare:  quod  fieri  non  potest,  nisi  de  successu  certi  simus.  Nam  si  dubio  eventu  pugnandum  sit,  totum  studium  nostrum  mox  concidet.  Ergo  Christus  ad  certamen  nos  vocans,  certa  victoriae  fiducia  instruit,  quamvis  adhuc  nobis  sudandum  sit.  Porro,  quia  semper  in  nobis  multa  est  trepidandi  materia,  hac  ratione  fidendum  esse  docet,  quia  ipse  non  sibi  privatim,  sed  nostra  causa  mundi  fuerit  victor.  Ita  fiet,  ut  in  nobis  fere  oppressi  magnificae  illius  gloriae  intuitu,  ad  quam  caput  nostrum  emersit,  tuto  possimus  quidquid  malorum  nobis  incumbit  despicere.  Proinde  si  Christiani  esse  cupimus,  minime  nobis  a  cruce  quaerenda  est  immunitas,  sed  hoc  uno  contenti  simus,  quod  sub  Christi  auspiciis  militantes  etiam  in  ipso  conflictu  sumus  tamen  extra  periculum.  Mundi  nomine  complectitur  hic  Christus  quidquid  adversum  est  piorum  saluti,  praesertim  vero  corruptelas  omnes,  quibus  ad  struendas  nobis  insidias  abutitur  Satan.  CAPUT  XVII.  1.  Haec  loquutus  est  Iesus,  ac  sustulit  oculos  suos  in  coelum  et  dixit:  Pater,  venit  hora,  glorifica  filium  tuum,  ut  et  filius  tuus  glorificet  te,  2.  Quemadmodum  dedisti  illi  potestatem  omnis  carnis,  ut  omnihus,  quos  dedisti  ei,  det  vitam  aeternam.  3.  Haec  autem  est  aeterna  vita,  ut  cognoscant  te  solum  verum  Deum,  et  quem  misisti  Iesum  Christum.  4.  Ego  te  glorificavi  super  terram,  opus  consummavi,  quod  dederas  mihi  ut  facerem.  5.  Et  nunc  glorifica  me,  tu  pater\  apud  te  ipsum  gloria,  quam  habui  apud  te  priusquam  mundus  esset.  I.  Haec  loquutus  est  Iesus.  Postquam  de  tolerantia  crucis  concionatus  est  Dominus  ad  discipulos,  consolationes  proposuit  quibus  innixi  persisterent.  Promisso  spiritus  adventu  illos  in  spem  meliorem  invexit  ac  de  regni  sui  gloria  et  splendore  disseruit.  Iam  convertit  se  ad  preces,  idque  merito:  friget  enim  doctrina,  nisi  divinitus  efficax  reddatur.  Proinde  exemplum  doctoribus  proponit,  ne  tantum  spargendo  verbo  impendant  operam,  sed  precibus  quo-  24*