41:374  s'il  se  trouvera  en  eux  un  seul  don  des  graces  de  Dieu,  telles  qui  sont  requises  en  tel  office.  Quand  on  eslit  un  pape  (qui  se  dit  chef  de  tous  les  autres),  regardera  on  si  l'Esprit  de  Dieu  est  en  luy?  Il  est  vrai  qu'il  s'en  vantera  bien,  mais  c'est  l'Esprit  de  Satan  plustost  qui  reside  en  luy:  et  puis  toutes  ces  bestes  cornues  qui  procedent  de  luy,  exerceront-  ils  l'office  duquel  ils  portent  les  noms?  o  tout  le  contraire,  car  cela  desrogueroit  a  leur  dignite  episcopale,  de  monter  en  chaire  pour  prescher,  ils  sont  bien  empesches  en  des  choses  plus  sainctes  et  plus  excellentes.  Et  comment?  O  ils  sont  empesches  a  entretenir  leur  estat,  a  nourrir  leurs  chiens,  leurs  oyseaux,  leurs  paillardes,  leurs  maquereaux,  et  bastards,  et  toutesfois  il  n'y  ha  que  toute  sainctete  en  eux,  voire  si  sainctete  se  trouve  entre  les  diables  d'enfer,  elle  se  trouvera  la.  Nous  voions  donc  qu'il  y  ha  encores  eu  plus  d'ordre  en  Babilonne  (qui  n'estoit  neantmoins  qu'une  caverne  d'enfer),  qu'il  y  ha  eu  plus  de  sainctete,  beaucoup  plus  de  sagesse,  d'advis,  et  de  police,  qu'il  n'y  ha  point  en  cette  confusion  de  Rome,  et  en  toute  la  Ierarchie  du  pape.  Or  de  nostre  coste  pensons  bien  a  nous,  que  si  nous  voulons  avoir  une  Eglise  qui  soit  bien  gouvernee,  et  que  Dieu  nous  reconnoisse  pour  son  peuple,  quand  il  sera  question  d'eslire  gens  pour  porter  sa  parole,  il  faut  choisir  ceux  qui  sont  doues  des  graces  necessaires  a  leur  office,  qu'ils  aient  dequoy  l'exercer,  et  que  l'Esprit  de  Dieu  soit  trouve  abondant  en  eux,  voila  quant  a  ce  poinct  ou  il  est  dit  que  Daniel  a  este  constitue  par  le  Roy  Darius  sur  tous  les  gouverneurs,  voire  d'autant  que  l'Esprit  de  Dieu  s'est  trouve  plus  abondant  en  luy.  Or  cependant  voici  une  nouvelle  tentation  qui  advient  a  ce  sainct  personnage,  outre  les  autres  qu'il  avoit  desia  eues:  il  faut  qu'il  entre  en  la  fosse  des  lyons,  il  faut  di-ie,  qu'il  vienne  iusques  a  la  mort,  pour  la  confession  du  nom  de  Dieu.  Ainsi  nous  voions  que  Dieu  l'ha  examine  iusques  au  bout,  qu'il  l'ha  fait  passer  par  l'estamine  (comme  on  dit)  que  sa  foy  ha  este  esprouvee.  Or  si  cela  est  avenu  a  Daniel,  connoissons  que  nous  ne  pourrons  point  estre  plus  privilegies.  Si  donc  nostre  Seigneur  nous  envoie  des  afflictions,  sachons  que  c'est  pour  nous  esprouver,  et  que  cette  espreuve  nous  est  bonne  et  utile,  quand  nous  avons  (la  dessus)  la  patience  de  recevoir  ce  qu'il  nous  envoiera.  Il  est  vrai  que  les  afflictions  ne  seront  pas  tousiours  pareilles,  pour  dire  que  tous  endurent  autant  l'un  que  l'autre,  et  aussi  il  y  ha  de  l'infirmite  en  plusieurs,  que  si  Dieu  ne  les  supportoit,  selon  qu'il  connoist  qu'ils  sont  foibles,  ils  seroient  accables  du  tout,  mais  ceux  ausquels  il  donne  plus  de  force,  et  de  vertu,  il  leur  envoie  aussi  de  plus  dures  afflictions,  comme  nous  voions  ici,  que  d'autant  que  24*