32:374  versus  nonnulli  etiam  copulam  subaudiunt,  Multiplicasti  me,  et  in  anima  mea  robur,  sed  inepte:  quum  sensus  verborum  optime  fluat  nihil  addendo:  sive  legas  quemadmodum  prius  verti,  sive  legere  malis,  Multiplicasti  me  in  anima  mea  robore.  Summa  est,  quum  debilitatus  esset  malis,  adeptum  esse  novam  animi  fortitudinem.  Nisi  forte  magis  placeat  sic  resolvere,  Multiplicasti  me,  hoc  est,  benedixisti  me,  unde  in  anima  mea  robur.  4.  (Celebrent  Iehovam)  His  verbis  docet,  quam  expertus  est  gratiam,  longe  fore  memorabilem,  ut  fama  eius  per  totum  orbem  spargatur.  Caeterum  reges  ipsos  dicens  audisse  verba  oris  Dei,  non  significat  rite  esse  edoctos  in  pietate,  ut  inseri  debeant  in  ecclesiae  corpus,  sed  hoc  ubique  fore  notum,  non  alia  de  causa  mirabiliter  servatum  fuisse  a  Deo,  nisi  quod  eius  mandato  unctus  fuerat  in  regem.  Quamvis  ergo  in  illo  coelesti  oraculo  non  proficerent  vicini  reges,  valuit  tamen  ad  commendationem  gratiae  Dei,  passim  cognosci  ab  omnibus  divinitus  se  fuisse  vocatum.  Et  certe  quum  per  tot  annos,  quibus  acerrime  eum  ad  necem  persequutus  est  Saul,  semper  iactaverit  se  militare  sub  Dei  vexillo,  non  potuit  hoc  esse  obscurum,  Dei  beneplacito  et  vocatione  eum  regnare.  Tale  ergo  gratiae  Dei  fuit  documentum,  quod  profanis  etiam  regibus  aliquam  confessionem  exprimeret.  6.  Quia  excelsus  Iehova,  humilem  tamen  respiciet,  et  excelsus  eminus  agnoscet.  7.  Si  ambulavero  in  medio  tribulationis,  vivificabis  me:  super  iram  inimicorum  meorum  mittes  manum  tuam,  et  servabit  me  dextera  tua.  8.  Iehova  rependet  super  me,  Iehova  clementia  tua  in  perpetuum:  opera  manuum  tuarum  non  deseres.  6.  (Quia  excelsus)  Hoc  versu  commendat  Dei  providentiam,  qua  totus  mundus  regitur.  Est  autem  hoc  apprime  utile  cognitu,  non  negligi  a  Deo  salutem  nostram:  quia  etsi  verum  id  esse  fatentur  omnes,  trepidatio  tamen  in  minimo  quoque  discrimine  diffidentiam  nostram  refellit,  quia  quisquis  solide  persuasus  erit,  paterna  Dei  cura  se  foveri,  non  tam  facile  expavesces  Etsi  autem  quidam  excelsum  interpretantur,  ac  si  diceret  David,  Deum  in  coelesti  solio  sedere  ad  regendum  totum  orbem,  adversative  tamen  positum  esse  censeo,  ac  si  diceret,  non  obstare  Dei  celsitudinem  quominus  humiles  et  abiectos  respiciat  in  terra.  Quod  idem  confirmat  secundo  membro,  ubi  dicit  sublimem  procul  vel  e  longinquo  intelligere.  Alii  pQ3  iQ  accusativo  casu  legunt:  qui  etiam  sensus  non  male  quadrat:  quasi  diceret,  Deum  altos  et  superbos  non  dignari  propinquo  intuitu,  sed  contemptim  despicere:  quum  parvulos  et  abiectos  (qui  videntur  in  speciem  lon-  24*