8:373  373-374  IEHAN  CALVlN  A  TOUS  vRAIS  CHRESTIENS  QUI  DESIRENT  L'AVANCEMENT  DU  REGNE  DE  NOSTRE  SEIGNEUR  IESUS  CHRIST.  Quand  vous  entendrez  pourquoy  et  a  quelle  fin  i'ay  voulu  publier  ces  sermons-ci,  et  que  vous  serez  advertis  de  l'argument  qu'ils  contiennent,  vous  en  scaurez  tant  mieulx  faire  vostre  proufit,  et  les  applicquer  k  tel  usage  que  ie  les  ay  destinez.  Combien  que  i'ay  escript  par  ci  devant  deux  traictez  assez  amples  pour  monstrer  qu'il  n'est  pas  licite  a  un  Chrestien  cognoissant  la  pure  doctrine  de  l'Evangile,  quand  il  vit  en  laPapaulte,  faire  semblant  en  facon  que  ce  soit  de  consentir  ou  adherer  aux  abus,  superstitions  et  idolatries  qui  y  regnent:  toutesfois  il  y  a  tous  les  iours  gens  qui  m'en  demandent  conseil  de  nouveau,  comme  si  iamais  ie  n'en  avoye  parle.  I'enten  aussi  qu'il  y  en  a  d'autres  qui  ne  cessent  d'alleguer  leurs  replicques  et  subterfuges  contre  ce  que  i'en  ay  escript.  Ainsi  pour  couper  broche  tant  a  ceulx  qui  s'enquierent  de  ce  qui  leur  doibt  estre  assez  cogneu  et  notoire,  qu'a  ceulx  qui  se  pensent  couvrir  d'un  sac  mouille  contre  le  iugement  de  Dieu,  i'ay  pense  qu'il  seroit  expedient  de  reveoir  et  reduire  en  ordre  un  sermon  que  i'avoye  faict  sur  ceste  matiere,  duquel  la  somme  avoit  este  recueillie.  Parquoy  ce  premier  sermon  contient  une  remonstrance:  quelle  laschete  c'est  a.  ceulx  ausquels  Dieu  a  donne  a  cognoistre  la  verite  de  son  Evangile,  de  se  polluer  es  abominations  des  Papistes,  lesquelles  sont  du  tout  contraires  a  la  religion  Chrestienne,  veu  qu'en  ce  faisant  ils  desadvouent,  en  tant  qu'en  eulx  est,  le  Fils  de  Dieu  qui  les  a  rachetez.  Or  pource  qu'il  est  impossible  a.  un  homme  Chrestien,  habitant  soubs  la  tyrannie  de  l'Antechrist,  de  faire  droicte  et  pure  confession  de  sa  foy,  qu'incontinent  il  ne  soit  en  danger  d'estre  persecute,  i'ay  adiouste  un  autre  second  sermon,  pour  exhorter  tous  fideles  de  priser  plus  l'honneur  et  service  de  Dieu  que  leur  propre  vie,  et  pour  les  fortifier  contre  toutes  tentations.  Et  de  faict,  ce  que  beaucoup  trouvent  estrange  qu'on  ne  leur  permette  point  de  se  deguiser  et  contrefaire,  n'est  pas  qu'ils  ne  soyent  convaincus  que  le  debvoir  des  enfans  de  Dieu  est  de  l'adorer  luy  seul  en  rondeur  et  simplicite,  se  retirans  ie  toutes  pollutions  et  idolatries:  mais  c'est  pource  qu'ils  voyent  qu'ils  ne  peuvent  faire  office  de  Chrestiens,  qu'ils  n'enflambent  la  rage  des  malings  contre  eulx.  Or  ils  veulent  fuir  la  croix  tant  qu'ils  peuvent.  Moy  doncques,  voyant  que  la  doctrine  d'adorer  Dieu  purement  seroit  inutile,  sinon  que  les  hommes  soyent  disposez  a  mespriser  ceste  vie  fragile  et  caduque  pour  cercher  le  royaume  de  Dieu  et  suyvre  Iesus  Christ  a.  la  croix,  pour  parvenir  a  la  gloire  de  sa  resurrection,  i'ay  adiouste  le  sermon  second  pour  exhorter  a  vertu  et  constance  ceulx  qui  auiourd'huy  sont  par  trop  debiles.  Le  troisieme  sermon  est  pour  declarer  quel  thresor  c'est  d'avoir  liberte,  non  seulement  de  servir  purement  a  Dieu  et  faire  confession  publique  de  sa  foy,  mais  aussi  d'estre  en  Eglise  bien  reiglee  24*