7:373  373  ACTA  SYNODI  TRIDENTINAE  CUM  ANTIDOTO.  374  enim  (inquit  idem  Apostolus)  ad  haec  idoneus?  ut  qui  ne  cogitare  quidem  aliquid  ex  nobis,  quasi  ex  nobis,  sviiius  sufficientes.  Verum  hoc  fateri  non  satis  est  nobis:  hoc  dicere  potuit  Apostolus,  et  per  hanc  portam  ingredi  ad  obeundum  munus  suum,  et  in  eo  se  ministrum  fidelem,  ac  idoneum  ostendere:  qui  simul  dicere  [pag.  10}  potuit,  de  ministerio  suo  loquens:  Nihil  mihi  conscius  sum.  Nobis  vero  qui,  si  verum  fateri  volumus,  aliter  dicere  non  possumus,  quin  nobis  conscii  simus  in  administrando  munere  nobis  imposito,  in  plurimis  defecisse:  et  horum  etiam  malorum,  ad  quae  corrigenda  vocamur,  non  minima  ex  parte  causam  exstitisse:  non  satis  est  hic  fateri,  ad  tantum  munus  nos  impares  esse.  Quid  ergo  nobis  agendum,  ut  idonei  hoc  tempore  Christi  ministri  in  Ecclesia  instauranda  esse  possimus?  Idem  prorsus,  quod  Christus  ipse  episcopus  animarum  nostrarum  fecit,  quum  venit  ad  fundandam  et  formandam  Ecclesiam  suam.  Idem  sane,  Patres,  faciendum  erit  nobis,  quod  ipsa  sapientia  Patris  fecit,  quum  venit  ut  multos  filios  in  gloriam  adduceret:  id  quod  nobis  item  propositum  nunc  esse  debet.  Is  enim  quum  oppressos  peccatis  omnes  invenisset,  omnia  omnium  peccata  in  se  ipsum  transtulit,  seque  unum  ante  Deum  pro  omnibus  reum,  et  nocentem  [pag.  11]  constituit,  ac  poenam  nobis  debitam  sustinuit,  tanquam  omnia  flagitia,  et  omnia  scelera,  quae  nos  commiseramus,  ipse  commisisset,  quum  tamen  ab  omni  labe  peccati  purissimus  esset:  quippe  qui  peccatum  non  fecit,  neque  unquam  inventus  est  dolus  in  ore  eius.  Quod  vero  Christus,  pro  immensa  sua  caritate  erga  Deum  patrem,  et  pro  misericordia  erga  nostrum  genus  fecit,  hoc  nunc,  ut  ipsi  faciamus,  iustitia  ipsa  a  nobis  flagitat,  ut  omnium  horum  malorum,  quibus  grex  Christi  est  oppressus,  nos  pastores  coram  tribunali  misericordiae  Dei  reos  constituamus:  atque  omnium  peccata  in  nos  ipsos  non  tam  pie,  quam  iuste  transferentes,  quia  re  vera  horum  malorum  magna  ex  parte  nos  causa  sumus,  divinam  misericordiam  per  Iesum  Christum  imploremus.  Quod  vero  dicimus  nos  pastores  his  malis,  quibus  Ecclesia  est  oppressa,  causam  dedisse,  si  quis  hoc  acrius  et  magis  per  exaggerationem  quandam  verborum,  quam  vere  dictum  [pag.  12]  existimet,  hoc  quidem  ipsa  rerum  experientia,  quae  mentiri  non  potest,  comprobabit.  "Respiciamus  ergo  paululum  ad  ipsa  mala,  quibus  Ecclesia  opprimitur,  ac  simul  etiam  ad  nostra  peccata.  Sed  quis  haec  numerare  valeat?  quae  simul  cum  reliquis  malis  multitudine  superant  arenam  maris,  et  usque  ad  coelum  clamant.  Circumscribamus  ergo  tantam  multitudinem  nostrorum  malorum  illis  limitibus,  quibus  hoc  Concilium,  quod  capitalibus  malis  medendis  est  vocatum,  ea  circumscripsit.  Sunt  vero  illa  tria,  quae  supra  commemoravimus,  haereses,  lapsam  morum  disciplinam,  et  intestinum  atque  externum  bellum.  Hic  ergo  videamus  et  consideremus,  quum  iam  multis  annis  Ecclesia  his  calamitatibus