49:373  373  CAPUT  IV.  374  eum1)  non  de  omnibus  loqui  (nam  sui  similes,  ut  Apollon,  Sylvanum,  et  Timotheum,  qui  solum  Christi  regnum  studebant  promovere,  facile  passus  fuisset  ita  nominari,  et  illis  attribui  summum  honorem),  sed  eos  taxare  qui  perversa  ambitione  alienam  ad  se  gloriam  transferebant:  quales  erant  illi  qui  Paulo  debitum  honorem  praeripiebant,  ut  se  venditarent  eius  spoliis.  Et  sane  hodie  eadem  est  universalis  ecclesiae  conditio,  qualis  tunc  fuit  Corinthiacae.  Quam  enim  pauci  sunt,  qui  affectu  vere  paterno,  hoc  est,  gratuito,  ecclesias  prosequantur  seque  in  earum  salutem  impendant?  Interea  plurimi  sunt  paedagogi,  qui  mercenariam  operam  sic  locant,  ut  fungantur  quasi  temporario  munere,  et  interim  populum  in  obsequio  et  admiratione  sui  detineant.  Quamquam  tunc  quoque  bene  agitur  quum  multi  sunt  paedagogi,  qui  docendo  saltem  utcunque  prosunt,  non  autem  falsae  doctrinae  corruptelis  perdunt  ecclesiam.  Et  ego  quum  de  paedagogorum  multitudine  conqueror/  non  intelligo  papisticos  sacerdotes  (neque  enim  eos  hoc  numero  dignarer),  sed  qui  nobiscum  in  doctrina  consentientes  in  suo  magis  quam  Christi  negotio  curando  sunt  occupati.  Omnes  quidem  patres  censeri  volumus,  et  exigimus  ab  aliis  filiorum  obsequium  :  sed  quotusquisque  est,  qui  praestet  quo  se  patrem  esse  demonstret?  Restat  alia  quaestio  difficilior,  quum  Christus  prohibeat  ne  quem  vocemus  patrem  in  terris,  quia  unus  sit  nobis  in  coelis  pater:  quomodo  audeat  Paulus  nomen  patris  sibi  sumere.  Respondeo,  proprie  loquendo,  unum  esse  Deum  patrem,  non  animae  tantum,  sed  etiam  carnis  :  verum  quia,  quod  ad  corpus  spectat,  honorem  nominis  paterni  communicat  iis,  quibus  sobolem  largitur,  sibi  autem  soli  in  animas  paternum  ius  et  titulum  retinet:  fateor  hac  ratione  ipsum  peculiariter  vocari  patrem  spirituum,  et  discerni  a  patribus  terrenis:  quemadmodum  apostolus  loquitur  ad  Hebraeos  (12,  9).  Quia  tamen  sicut  ipse  solus  propria  virtute  animas  tum  gignit,  tum  regenerat  et  vivificat,  ita  servorum  suorum  ministerio  ad  hoc  utitur:  nihil  in  eo  est  incommodi,  si  huius  ministerii  respectu  vocentur  patres,  quia  in  hoc  nihil  Deo  prorsus  derogatur.  Verbum  (sicut  diximus)  spirituale  est  semen,  eo  nostras  animas  regenerat  solus  Deus  sua  virtute:  sed  ministrorum  operam  non  excludit.  Si  ergo  diligenter  consideres  quid  per  se  agat  Deus,  quid  per  ministros  agi  velit  :  facile  intelliges  quo  sensu  ipse  solus  dignus  sit  honore  patris,  et  quatenus  non  imminuto  ipsius  iure  ministris  eius  nomen  hoc  competat.  16.  Adhortor  ergo  vos,  imitatores  mei  estote.  17.  Hac  de  causa  misi  ad  vos  Timotheum,  qui  est  l)  Adde  quod  loquitur  taxat.