9:372  essent,  neque  haec  vere  expiatrix  hostia  diceretur,  neque  ille  purgaret  nos  a  peccatis:  quemadmodum  etiam  nec  homo  Iesus  potestatem  haberet  remittendi  peccata,  nisi  homo-deus  esset.  Certe  nunquam  nisi  ex  vertiginoso  spiritu  prodirent  sententiae  adeo  inter  se  pugnantes.  Postquam  enim  duas  in  Christo  naturas  agnovit,  unitatis  praetextu  quod  singulis  proprium  est  permiscet  ac  confundit  :  ut  sine  ulla  figura  Deus  sit  mortalis,  et  homo  per  se  sit  vita.  Non  insistam  scripturae  testimoniis  ad  oppugnandum  hoc  commentum  :  quaeram  duntaxat  qui  eum  non  pudeat  in  Tertullianum  contumeliose  insurgere,  cuius  verba  sunt:  Quum  duae  naturae  censeantur  in  Christo,  divina  et  humana,  constet  autem  immortalem  esse  divinam,  mortalem  quae  humana  sit:  apparet  quatenus  eum  mortuum  dicat  Paulus,  id  est,  qua  carnem  et  [pag.  22]  hominem  et  filium  hominis,  non  qua  spiritum,  et  sermonem,  et  dei  filium.  Discant  tandem  lectores  quam  dexter  sit  interpres  Tertulliani,  et  quam  bonus  ac  fidelis  discipulus.  Nos  vero  in  Christo  mediatore  non  impedit  personae  unitas,  quin  sua  utrique  naturae  distincta  proprietas  salva  maneat:  Christum  Deum  et  hominem1),  vel,  sicuti  Paulus  loquitur,  Deum  manifestatum  in  carne  esse  vere  et  naturaliter  Dei  filium,  sed  qui  ex  duabus  naturis  constet,  quia  in  homine  habitavit  plenitudo  divinitatis.  Et  Christus  ipse  clare  pronunciat  corpus  suum  esse  templum,  quod  certe  minime  quadraret  si  esset  Deus  ipse.2)  Etsi  autem  deitatis  respectu  unum  est  cum  patre,  ac  proinde  patri  aequalis3),  qua  tamen  mediator  est,  quoad  dispensationem,  quodammodo  subsidit  infra  Deum.  Qua  ratione  patri  subiicietur  ultimo  die,  regnumque  quod  accepit,  restituet,  ut  sit  Deus  omnia  in  omnibus.  Quisnam  [pag.  23]  Deus?  Si  ad  patrem  restringas,  certe  filii  deitas  erit  temporalis,  quo  nihil  absurdius.  Quare  alias  machinas  excogitet  Valentinus  oportet,  quibus  convellat  orthodoxam  fidem  :  quando  ingenue  praedicamus  unicum  esse  Deum,  a  quo  missus  est  Christus,  et  unicum  esse  Dei  filium,  qui  sponte  se  exinanivit,  ut  nos  in  societatem  suae  gloriae  ascisceret.  Frivola  autem  calumnia  est,  nos  Christum  discerpere,  imo  in  alium  Christum,  qui  non  est,  transformare,  dum  nunc  ut  Deum,  nunc  ut  Dei  filium,  nunc  ut  natum  ex  virgine  consideramus.  Quanquam  suo  se  gladio  iugulat  hic  phreneticus,  qui  hominem  factum  ex  muliere,  missum  in  plenitudine  temporum,  seorsum  considerari  non  sustinet  ab  aeterno  illo  sermone,  qui  ante  saecula  genitus  fuit.  Divinam  vero  essentiam  quam  recte  considerari  nolit,  iam  ex  pluribus  testimoniis  palam  fecimus,  et  ex  Malachia  dicere  1)  Beza  et  Amst.  ut  Christus  sit  Deus  et  homo  caet.  2)  lidem  male:  nisi  esset  Deus  ipse.  3)  Pro  his  verbis:  ac  proinde  patri  aequalis,  iidem  exhibent  haec:  sicut  iam  saepe  diximus.