7:372  qui  huc  convenimus,  primum  autem  nos  ipsos,  qui  in  tam  sancto  ministerio  praesidemus,  admonendos  duximus,  ne  unquam  cogitemus,  vel  per  singulos,  qui  hic  adsunt,  vel  per  universum  Concilium,  etiamsi  omne&  Pastores  ex  universo  terrarum  orbe  huc  coirent,  tantis  malis,  quibus  nunc  grex  Christi  est  oppressus,  provideri  posse.  Si  enim  putamus  hoc  a  nobis  perfici  posse,  aut  ab  alio,  quam  ab  ipso  Christo,  quem  Deus  pater  unicum  nobis  servatorem  et  pastorem  dedit,  cui  etiam  omnem  potestatem  dedit,  erramus  sane  in  fundamento  omnium  [pag.  8]  actionum  nostrarum,  et  di"  vinam  iram  magis  provocabimus.  Adiungimus  enim  ad  superiora  mala,  quae  propterea  nobis  acciderunt,  quod  ipsum  fontem  aquae  vivae  reliquimus,  hoc  alterum  maximum  peccatum,  quod  nostra  vel  prudentia,  vel  potentia  iisdem  malis  mederi  velimus:  ut  merito  de  nobis  dicatur,  quod  propheta,  in  persona  Dei,  veterem  populum  accusans,  dicit:  Duo  mala  fecit  populus  hic:  me  dereliquerunt  fontem  aquae  vivae,  et  foderunt  sibi  cisternas  non  valentes  continere  aquas.  Tales  vero  cisternae  sunt  omnia  consilia  quae  a  nostra  prudentia,  non  afflata  spiritu  divino,  proficiscuntur:  quae  nem  modo  populos  in  pietate  et  obedientia,  tanquam  aquas  in  cisternis,  continere  non  valent:  sed  quo  magis  his  artibus  retinere  eos  laboramus,  eo  violentius  tanquam  torrentes  a  nobis  defluunt,  et  discedunt,  ut  superiorum  annorum  experientia  multis  in  locis  satis  nos  docere  potest,  et  nunc  admonere,  unicam  tantum  viam  me"  dendis  [pag.  9]  his  malis  relictam,  si  nostra  omnia  remedia  inutilia  esse  agnoscentes,  et  valere  potius  ad  augenda,  quam  ad  tollenda  mala:  ad  Christi  potentiam,  quem  dexteram  suam  Deus  pater  appellat,  ad  Christi  sapientiam,  qui  est  sapientia  patris,  in  omnibus  nos,  qui  patrum  personam  gerimus,  fide  et  spe  confugiamus,  huius  nos  in  omnibus  ministros  esse  agnoscamus.  Hic  vero  quaeritur  (inquit  Apostolus)  inter  dispensatores,  ut  fidelis  quis  inveniatur.  Hoc  autem  nunc  nobis  agendum  est,  ut  ministros  nos  in  omnibus  idoneos  praebeamus.  Erimus  vero  idonei,  si  nos  ex  nobis  minime  idoneos  esse  iudicaverimus.  Quis