6:372  dispensatione  principium  non  ita  mordicus  teneret.  Quum  enim  dixit  omnia,  in  hanc  tandem  clausulam  descendit,  ut  cum  Pelagianis  asserat,  Dei  gratiam  secundum  meritum  nostrum  dari,  ut  sit  ipse  nobiscum;  meritum  vero  nostrum  in  eo  esse,  quod  cum  Deo  simus.  Nostra  rursus  omnia  in  hanc  Augustini  sententiam  redeunt:  quibus  non  est  datum,  aut  nolle,  aut  non  implere  quod  volunt;  quibus  autem  datum  est,  sic  velle,  ut  impleant.  l)  Ergo,  ut  aliquando  claudatur  hic  liber,  frustra  aut  se  a  Pelagio  disiungere  conatur  Pighius,  cuius  societate  eum  teneri  implicitum  tam  aperte  demonstravimus;  aut  nos  Manichaeo  aliisque  haereticis  adiungere,  a  quibus  non  minus  dissidemus,  quam  ipse  ab  orthodoxo  ecclesiae  sensu,  cuius  inanem  umbram  tametsi  suae  impietati  subinde  praetexit,  nihilo  tamen  inde  plus  apud  pios  et  prudentes  lectores  proficiet,  quam  si  simpliciter  nihil  sibi  nec  cum  Christo,  nec  cum  eius  membris  esse  confiteretur.  Frustra  et  in  eo  mediocritatem  quaerit,  ut  res  igne  et  aqua  magis  contrarias  simul  conciliet:  nempe,  [pag.  194]  quidquid  est  in  homine  bonorum,  merum  esse  purumque  Dei  opus;  et  tamen  hac  facultate  pollere  homines,  ut  ex  se  ipsis  Deum  provocent  ad  conferendam  sibi  gratiam;  et  ubi  contulerit,  eam  propria  separataque  virtute  efficacem,  si  libeat,  reddant.  Hoc,  inquam,  mediam  tenere  viam  non  est,  sed  in  labyrinthum  potius  se  et  alios  coniicere,  unde  nullus  postea  exitus  pateat.  Frustra  corradere  hinc  inde  studet  testimonia  scripturae,  quae  fidem,  et  quae  ab  ea  gignuntur  bona  opera,  inter  Deum  et  hominem  partiantur,  quum  tota  scriptura  et  radicis  et  fructuum  bonitatem  uni  Deo  in  solidum  transscribat.  Nam  ut  pios  tam  a  fide  quam  a  bonis  operibus  commendat,  tanquam  laude  propterea  dignos:  ita  quoties  a  Deo  discernit  hominem,  in  illum  quidem,  tanquam  omnis  iustitiae,  sapientiae,  rectitudinis  fontem,  principium,  perfectionem,  bonorum  omnium  gloriam  confert,  neque  id  ex  parte,  sed  ut  totam  solus  possideat:  hunc  autem  sic  omni  gloria  spoliat,  tanquam  omni  iustitia  et  rectitudine  destitutum,  omnis  sapientiae  inopem,  omni  virtute  nudum  ac  indigentem,  ut  nihil  illi  reliquum  faciat,  praeter  extremam  miseriam.  Ut  nob  ad  pietatem,  timorem  Dei,  vitaeque  sanctitatem  hortatur,  ita  nos  ad  ista  omnia  pervenire  posse  docet,  si  datum  nobis  a  Deo  fuerit.  Frustra  rursum  Pighius  hinc  nobis  conflare  invidiam  molitur,  quod  homines  lapidum2)  similes  fiant,  si  nullae  illis  in  bene  agendo  partes  relinquantur.  Id  enim  ex  doctrina  nostra  perperam  infert,  qui  mentem  hominis  fatemur  videre,  sed  illuminatam;  iudicium  discer-  1)  De  gratia  et  libero  arbitrio  c.  5.  2)  lapidibus  1576  segq.