47:372  ligimus:  quia  pignus  habemus  paternae  eius  dilectionis,  quem  ante  horruimus  ut  iudicem  nobis  infestum.  28.  Exivi  a  patre.  Haec  loquutio  divinam  in  Christo  virtutem  nobis  commendat.  Neque  enim  firma  in  illum  constaret  fides,  ubi  divinam  eitre  potentiam  apprehenderet.  Parum  enim  aut  nihil  mors  eius  et  resurrectio,  duae  fidei  columnae,  nos  iuvarent  nisi  coelestis  virtus  illis  annexa  esset.  Nunc  tenemus  qualiter  nos  deceat  Christum  amplecti,  ita  scilicet,  ut  consilium  et  virtutem  Dei  cuius  manu  nobis  offertur  fides  nostra  reputet.  Neque  enim  frigide  accipiendum  est  quod  exierit  a  Deo,  sed  simul  tenendum  est,  quorsum  vel  in  quem  finem  exierit:  nempe  ut  esset  nobis  sapientia,  sanctificatio,  iustitia  et  redemptio  (1.  Cor.  1,  30).  Secundo  membro  quod  mox  subiicit  notatur  virtutis  perpetuitas.  Poterant  enim  cogitare  discipuli,  temporale  illud  esse  beneficium,  quod  redemptor  mundo  esset  missus.  Dixit  ergo  se  redire  ad  patrem,  ut  certo  statuant  nihil  eorum  bonorum,  quae  attulit,  suo  discessu  excidere,  quia  ex  coelesti  sua  gloria  mortis  et  resurrectionis  suae  vim  et  effectum  in  mundum  effundat.  Mundum  ergo  reliquit,  quum  infirmitates  nostras  exuens  in  coelum  receptus  est:  sed  viget  nihilominus  erga  nos  eius  gratia,  quia  sedet  ad  patris  dexteram,  ut  potiatur  totius  mundi  imperio.  29.  Dicunt  ei  discipuli  eius:  Ecce  nunc  palam  loqueris  et  proverbium  nullum  dicis.  30.  Nunc  no*  vimus,  quod  noveris  omnia,  et  non  opus  habes  ut  quis  te  interroget:  in  hoc  credimus,  quod  a  Deo  existi.  31.  Respondit  illis  Iesus:  Nunc  creditis?  32.  Ecce  ventura  est  hora,  et  nunc  venit,  qua  dispergamini  quisque  in  sua,  et  me  relinquatis  solum:  quanquam  non  sum  solus,  quia  pater  mecum  est.  33.  Haec  lo*  quutus  sum  vobis,  ut  in  me  habeatis  pacem.  In  mundo  tribulationem  habebitis:  sed  confidite,  ego  vici  mundum.  29.  Dicunt  ei  discipuli.  Hinc  apparet,  quam  efficax  fuerit  consolatio,  quia  deiectos  prius  et  fractos  animos  subito  in  magnam  alacritatem  erexit.  Et  tamen  certum  est,  minime  adhuc  assequutos  esse  discipulos,  quid  valeret  Christi  sermo.  Sed  quamvis  eius  nondum  capaces  essent,  solus  *odor  eos  recreavit.  Quod  exclamant,  magistrum  palam  loqui  et  absque  figura,  in  eo  quidem  modum  excedunt:  ex  animi  tamen  sensu  testantur  quod  res  est,  quod  nos  quoque  hodie  experimur.  Nam  qui  pauxillum  tantum  gustavit  ex  evangelii  doctrina  magis  accenditur  et  plus  longe  sentit  energiae  in  exiguo  fidei  modulo,  quam  si  totus  Plato  illi  cognitus  esset.  Imo  gemitus,  quos  spiritus  Dei  excitat  in  cordibus  piorum,  luculenti  sunt  testes,  Deum  arcano  modo  supra  eorum  captum  operari.  Nam  alioqui  Paulus