41:372  estoit  avenu  auparavant  sur  les  Chaldeens  qui  mesprisoient  Daniel,  encores  qu'ils  l'eussent  conneu  Prophete,  quand  il  declare  au  Roy  ce  qui  doit  avenir.  On  l'ha  donc  conneu  estre  comme  un  ange  de  Dieu,  et  toutesfois  on  n'en  tient  compte.  Il  est  vray  que  pour  un  temps,  il  est  exalte,  mais  cela  se  passe  en  un  moment  qu'on  le  reiette,  on  le  mesprise,  et  voila  quelle  estoit  l'ingratitude  des  Chaldeens.  Or  quand  Dieu  envoie  sa  derniere  sentence  (que  nous  avons  ouye),  il  la  prononce  par  la  bouche  de  Daniel,  a  fin  qu'on  conneust  que  cela  n'estoit  point  de  luy,  et  que  Cyrus  mesmes  et  Darius  n'estoient  point  entres  en  Babilonne  par  leur  force  et  vertu,  mais  pour  ce  qu'il  avoit  este  ainsi  ordonne  par  le  Dieu  d'Israel,  voila  donc  Dieu  qui  se  declare  en  la  personne  de  Daniel  a  ces  Roys  ici,  estans  entres  en  possession  de  cette  monarchie  de  Chaldee,  et  quand  cela  leur  est  monstre,  alors  Daniel  est  honore.  Il  est  vrai  que  Balsazar  avoit  bien  commande  que  Daniel  eust  entree  au  Royaume,  mais  quoy?  luy-mesme  incontinent  en  est  destitue,  le  voila  prest  a  mourir,  et  cependant  il  en  veut  eslever  un  qu'il  ha  mesprise  tout  le  temps  de  sa  vie.  Ici  donc  nous  voions  comme  Dieu  ha  voulu  magnifier  son  nom,  voire  en  despit  des  hommes,  car  les  peches  du  peuple  (qui  avoient  este  cause  qu'il  fut  mene  en  captivite)  avoient  aussi  este  cause  que  le  nom  de  Dieu  fust  moque  et  desprise,  comme  nous  avons  veu  qu'il  en  ha  este  fait,  car  quand  Balsazar  en  son  banquet  feit  apporter  les  vaisseaus  du  temple,  ce  n'estoit  sinon  pour  faire  ses  triomphes  du  Dieu  d'Israel,  mais  comme  i'ay  dit,  en  despit  des  hommes,  voici  Dieu  qui  s'exalte  et  se  magnifie,  et  au  reste,  il  nous  faut  aussi  bien  noter  ce  qui  est  dit:  Que  Daniel  ha  este  constitue  par  dessus  tous  les  gouverneurs,  pource  que  l'esprit  de  Dieu  estoit  plus  abondant  en  luy.  Si  les  Princes  infideles  ont  eu  cette  consideration,  et  cette  *  discretion  la,  de  choisir  gens  pour  gouverner,  lesquels  ils  veissent  estre  plus  abondans  des  graces  de  Dieu,  ie  vous  prie  que  doit-ce  estre  entre  nous,  qui  devons  voir  (sans  comparaison)  plus  clair  que  ceux  la?  Or  les  nommes  cheminoient  en  ce  temps  la,  comme  pauvres  aveugles,  neantmoins  Dieu  ha  donne  cette  prudence  au  Roy  Darius,  que  connoissant  un  esprit  excellent  en  Daniel,  il  le  choisit  pour  gouverner  en  son  Royaume,  et  ceux  qui  se  disent  Chrestiens  mesprisent  les  graces  de  Dieu,  en  ceux  ausquels  il  les  aura  voulu  desployer,  qu'ils  les  reietteront,  et  ne  feront  que  s'en  gaudir  et  moquer:  toutesfois  l'exemple  qui  est  ici  recite  de  Darius,  monstre  bien  que  si  nous  mesprisons  les  graces  de  l'esprit  de  Dieu,  lesquelles  il  distribue  aux  hommes,  que  c'est  a  luy  que  nous  faisons  cet  iniure  la,  et  non  pas  aux  hommes  mortels.  Or  Dieu  ne  desploye  point  ses  graces  en  vain,  Sainct  Paul  nous  declare  pour-