32:372  ad  lapides  allidi  et  conteri:  quia  tamen  non  impulsu  proprio  loquitur,  sed  verba  petit  ex  ore  Dei,  nihil  aliud  quam  iusti  iudicii  praeconium  est;  sicuti  quum  pronuntiat  Dominus,  qua  quisque  mensura  usus  fuerit  erga  alios,  vicissim  ei  remensum  iri,  Matth.  7,2.  Sed  de  Babylone  speciale  vaticinium  ediderat  Iesaias  13,  16  cui  haud  dubie  succinit  nunc  propheta:  Ecce  Deus  acuit  ferrum,  et  intendit  arcus,  Medos  et  Persas  emittit,  qui  non  expetent  argentum  et  aurum,  tantum  sitient  sanguinem,  ete.  PSALMUS  CXXXVIII.  ARG.  David  memoria  repetens  quam  praeclare  semper  adiutus  esset  a  Deo,  tam  eius  bonitatem  quam  fidem  expertus,  his  documentis  primum  se  ad  gratitudinem  incitat,  et  accingit:  deinde  in  posterum  sibi  promittit  eundem  beneficentiae  cursum,  quia  Deus  perpetuo  sibi  constat.  Quod  si  periclitari  contigerit,  spem  sibi  facit  laeti  exitus.  Davidis.  1.  Celebrabo  te  in  toto  corde  meo,  coram  diis  psallam  tibi,  2.  Adorabo  te  ad  templum  sanctitatis  tuae,  et  canam  nomini  tuo  super  clementia  tua  et  super  veritate  tua:  quia  magnificasti  super  omnia  nomen  tuum,  sermone  tuo.  3.  In  die  quo  clamavi  ad  te  tunc  exaudisti  me,  multiplicasti  mihi  in  anima  mea  robur.  4.  Celebrent  te,  Iehova,  omnes  reges  terrae:  quia  audierunt  verba  oris  tui.  5.  Et  canant  in  viis  Iehovae,  quia  magna  est  gloria  Iehovae.  1.  (Celebrabo  te.)  Sicuti  memorandis  Dei  beneficiis  ornatus  fuerat  David,  ita  profitetur  se  non  vulgari  modo  gratum  fore.  Sed  quia  hypocritae  ficta  et  inani  resonantia  vitiant  et  contaminant  hoc  sacrificium,  simul  addit  non  labiis  modo,  sed  sincero  corde  gratias  se  Deo  acturum,  nam  totum  cor  pro  sincero  accipi,  et  duplici  opponi,  vidimus  Psal.  12,  3.  Iam  quia  nomen  DVT?X  nunc  ad  reges,  nunc  ad  angelos  transfertur,  utrumque  praesenti  loco  non  male  conveniet.  Publicam  gratiarum  actionem  promittit  David.  Iam  quia  sacer  conventus  quasi  coeleste  theatrum  est,  scimus  ornari  angelorum  frequentia,  et  cherubim  ideo  arcam  foederis  cingebant,  ut  scirent  fideles  sibi  adesse  testes  angelos,  quoties  in  sanctuarium  veniebant  colendi  Dei  causa.  Quia  vero  primum  ordinem  ducebant  principes,  non  erit  absurdum  de  ipsis  accipere  quod  hic  dicitur:  sicuti  et  Psalmo  107,  32:  Celebrate  Iehovam  in  seniorum  consessu:  hocest,  celebri  et  honorifico,  ut  loquuntur.  Quanquam  mihi  prior  sensus  magis  arridet,  eo  quod  fideles,  quoties  prodeunt  in  conspectum  Dei,  quasi  segregati  a  mundo,  coelos  conscendunt,  ut  se  coniungant  angelis,  sicuti  Paulus  de  ordine  et  decoro