7:371  371  ADMONITIO,  ATQUE  HORTATIO  LEGATORUM  SEDIS  APOSTOLICAE,  AD  PATRES  IN  CONCILIO  TRIDENTINO,  LECTA  IN  PRIMA  SESSIONE.  O  [pag.  5]  Eeverendi  Patres,  ete.  Quum  ipsa  muneris  nostri  ratio  y  qui  in  hac  sancta  Synodo  Praesidentium,  et  sedis  Apostolicae  Legatorum  personam  gerimus,  hoc  postulatura  videatur,  ut  crescentibus  negotiis,  quae  in  hoc  sacro  consessu,  ad  Dei  gloriam,  et  Ecclesiae  utilitatem  sunt  expedienda,  saepius  apud  vos  cohortandi,  et  commonendi  causa  verba  faciamus,  tum  vero  in  hac  prima  Sessione,  quae  felix  (ut  speramus)  principium  ipsi  Concilio  est  datura,  minime  hoc  a  nobis  praetermittendum  [pag.  6]  duximus.  Eo  vero  libentius  hoc  officio  fungimur,  quod  quum  vos  vel  hortamur,  ut  ea  faciatis  quae  digna  tanto  conventu  sint,  vel  a  contrariis  dehortamur,  nosmet  ipsos  etiam  hortamur  ac  dehortamur,  qui  in  eadem  quasi  navi  vobiscum  sumus,  iisdemque  periculis,  quibus  vos,  iisdem  tempestatibus  subiicimur:  nosmet  ipsos,  inquam,  excitamus  ad  vigilandum,  ne  vel  in  scopulos  incidamus,  qui  plurimi  procul  dubio  in  hoc  cursu  sese  offerent,  vel  magnitudine  negotiorum  tanquam  fluctuum  obrui  nos  negligentia  nostra  patiamur:  verum  spe  et  fide  erecti,  eo  navigationem  dirigamus,  quo  maxime  portus  salutis  ad  Dei  gloriam  in  Christo  Iesu  sese  ostendet  Igitur,  ut  ab  eo  incipiamus,  de  quo  maxime  in  hoc  principio  admonendi  omnes  sumus:  unusquisque  nostrum  ante  oculos  sibi  in  primis  proponere  debet,  quaenam  sint,  quae  ab  hoc  sacro  Concilio  exspectentur:  ex  quo  quisque  facile  intelliget,  quantum  sibi  oneris  incumbat,  [pag.  7]  Sunt  vero  ea  (ut  omnia  summatim  complectamur)  quae  in  bulla  indictionis  Concilii  continentur:  nempe,  haeresum  exstirpatio,  disciplinae  ecclesiasticae  et  morum  reformatio,  ac  tandem  pax  externa  totius  Ecclesiae.  Haec  ergo  sunt,  quae  nos  curare,  vel  potius  pro  quibus  assidue  orare,  ut  Dei  benignitate  fiant,  oportet.  Atque  illud  est,  de  quo  ante  omnia  in  ipso  Concilii  exordio  omnes  et  singulos,  1)  Haec  Admonitio  non  legitur  in  ed.  Gottingensi  actorum  C.  T.  Editiones  gallicae  libelli  Calviniani  refutationi  proxime  sequenti  s.  Praefationi  in  Antidotum  primum  locum  concesserunt,  huic  vero  Admonitioni  secundum.