49:371  371  EPIST.  PAULI  AD  CORINTHIOS  I  372  temptui  habebantur  apud  Corinthios.  Sed  nulla  ratio  cogit,  ad  plures  quae  dicit  extendere.  Alterum  nomen  7cepic|w]|ia  seobern  et  quodvis  ramentum  significat,  tum  etiam  sordes,  quae  verriculo  absterguntur.  De  utroque  lege  annotationes  Budaei.  Quod  ad  praesentis  loci  sensum  pertinet,  Paulus,  ut  extremam  sui  deiectionem  exprimat,  se  instar  hominis  ad  piaculum  destinati  toti  mundo  abominabilem,  et  instar  purgamentorum  se  foetere  omnibus  dicit.  Priore  tamen  similitudine  non  innuit  se  expiatricem  esse  pro  peccatis  hostiam:  sed  hoc  tantum  vult,  probro  et  contumeliis  nihil  se  ab  eo  differre,  in  quem  omnium  exsecrationes  coniiciuntur.  14.  Non  quo  pudorem.  Quoniam  aculeos  habebant  superiores  ironiae,  quibus  exulcerari  possent  animi  Corinthiorum  :  occurrit  nunc  offensioni,  quum  testatur  non  eo  se  animo  haec  dixisse  ut  pudefaceret  eos,  sed  potius  ut  amore  paterno  eos  admoneret.  Certum  quidem  est  hanc  esse  vim  et  naturam  paternae  castigationis,  ut  pudore  filium  afficiat:  nam  initium  resipiscentiae  est  verecundia,  quam  concipit  filius  ex  peccati  exprobratione.  Hoc  ergo  agit  pater  filium  verbis  castigando,  ut  eum  ad  displicentiam  sui  adducat.  Et  videmus  huc  spectasse,  quae  hactenus  dixit  Paulus,  ut  Corinthios  sui  puderet:  quin  etiam  aliquanto  post  testabitur  se  commemorare  eorum  vitia,  ut  pudefieri  incipiant.  Verum  id  tantum  vuit  hoc  loco,  sibi  non  esse  propositum  ignominiam  illis  irrogare,  aut  exprobrandi  animo  eorum  peccata  in  medium  et  palam  proferre:  nam  qui  amice  monet,  hoc  in  primis  studet,  ut  quidquid  est  pudoris  apud  eum  maneat  quem  admonet,  atque  ita  sepeliatur.  Qui  autem  maligne  exprobrat,  sic  incutit  pudorem  ei,  cui  obiicit  peccatum,  ut  omnium  probro  eum  exponat.  Simpliciter  ergo  negat  Paulus,  se  exprobrandi  animo  haec  dixisse  quae  dixerat,  aut  quo  eorum  existimationem  laederet:  sed  paterno  potius  affectu  se  commonefecisse  quid  in  ipsis  desideraret.  Quorsum  autem  haec  admonitio?  Nempe  ut  Corinthii,  qui  inanibus  tantum  ampullis  inflati  erant,  discerent  cum  eo  in  humilitate  crucis  gloriari:  neque  eum  amplius  ob  eas  causas  despicerent,  ob  quas  merito  gloriosus  erat  coram  Deo  et  angelis:  denique  ut  pristinum  fastum  exuentes  pluris  stigmata  Christi  in  eo  facerent  quam  in  pseudoapostolis  vanam  et  fucosam  ostentationem.  Hinc  autem  colligant  doctores,  tale  in  correctionibus  semper  adhibendum  esse  temperamentum,  ne  immodica  acerbitate  vulnerent  animos,  et  (ut  vulgari  proverbio  dicitur)  mel  aut  oleum  aceto  miscendum  esse:  in  primis  vero  esse  cavendum,  ne  videantur  insultare  iis  quos  castigant,  aut  eorum  pudore  delectari:  quin  potius  dandam  esse  operam  ut  nihil  aliud  quaerere  intelligantur  quam  ut  ipsorum  saluti  sit  consultum.  Quid  enim  voci-