41:371  371  SERMON  V.  372  en  son  temple:  et  cela  leur  estoit  necessaire,  autrement  ils  n'eussent  tenu  comte  de  la  promesse  qui  leur  estoit  faite.  Or  nostre  Seigneur  leur  dit  par  son  Prophete:  Ainsi  qu'on  vous  ha  predit  vostre  delivrance,  ie  vous  vay  monstrer  que  ie  suis  fidele,  ie  vous  ai  assigne  le  terme,  par  mon  Prophete  Ieremie,  combien  de  temps  vous  deves  demeurer  en  captivite,  et  ie  vous  ai  promis  par  Isaye  un  redempteur,  par  lequel  vous  seres  delivres.  Combien  donc  que  vous  soies  gens  incorrigibles,  si  est-ce  neantmoins  qu'a  cause  de  mon  alliance,  que  i'ay  faite  avec  mon  serviteur  Abraham,  et  a  David,  i'auray  pitie  de  vous.  Voila  donc  comme  Daniel  leur  commencoit  le  message  de  leur  delivrance,  lequel  avoit  desia  este  predit  long  temps  auparavant,  comme  il  ha  este  monstre.  Or  tout  cela  est-il  fait,  ils  commencent  a  murmurer,  voire,  et  a  quel  propos?  nous  sommes  ici  habitues  en  ce  pays  de  Babilonne,  nous  y  avons  nos  maisons,  nos  heritages,  nous  y  vivons  pour  le  moins  autant  a  nostre  aise  qu'autre  part,  et  pourquoy  donc  nous  donnerons  nous  tant  de  peine  de  retourner  en  Iudee?  Et  puis  encores  quand  nous  serons  la  venus,  nous  n'y  trouverons  rien,  tout  y  est  gaste,  il  n'y  ha  qu'un  desert,  il  faudra  edifier  des  maisons  tout  de  nouveau,  voire,  et  nous  y  faudra  vivre  par  emprunt,  car  nous  n'y  pourrons  pas  rien  porter,  car  c'est  trop  loin  d'ici  :  il  vaut  donc  mieux  que  nous  soions  ici  en  nos  maisons,  que  de  retourner  au  pays  de  Iudee.  Voila  donc  comme  ce  malheureux  peuple  aimoit  mieux  demourer  en  Babilonne,  que  de  retourner  en  Iudee,  pour  dire:  Nous  aurons  Dieu  qui  nous  assistera,  nous  sommes  certains  que  comme  il  nous  ha  adoptes  pour  ses  enfans,  qu'aussi  il  nous  remettra  en  nostre  heritage  en  cette  terre  de  Chanaan,  laquelle  il  nous  ha  promise  et  donnee,  ils  ne  regardent  point  a  tout  cela:  mais  vivons,  soions  a  nostre  aise.  Ainsi  donc,  ce  n'est  pas  sans  cause  que  Dieu  ha  permis  et  voulu  qu'ils  endurassent  beaucoup,  a  fin  qu'ils  fussent  tant  mieux  disposes  a  sortir  du  pays  de  Chaldee,  lors  que  le  Roy  Cyrus  publioit  son  edict.  Voila  donc  pourquoy  il  ha  voulu  que  le  peuple  souffrist,  et  c'est  ce  que  nous  avons  a  noter  du  changement  qui  est  advenu  au  pays  de  Chaldee.  Or  il  est  dit  que  Darius  estant  entre  au  Royaume,  ordonne  six  vingts  Seneschaux,  et  trois  qui  sont  par  dessus,  a  fin  que  le  Royaume  soit  gouverne  par  ceux-la,  sans  qu'il  en  soit  empesche,  que  Daniel  est  choisi  entre  les  autres,  et  d'autant  que  l'Esprit  de  Dieu  est  plus  abondant  en  luy,  qu'encores  est-il  par  dessus  les  trois  que  Darius  elit,  nous  voions  comme  Dieu  ha  voulu  magnifier  son  nom  en  cette  nouvelle  principaute  des  Perses  et  des  Medes,  et  n'y  ha  point  de  doute  que  desia  Darius  ne  fust  averti  de  ce  qui