25:371  371  REDITUS  AD  HISTORIAM.  372  deus  eorum  vendidisset  eos,  et  Iehova  tradidisset  eos?  31.  Nam  non  est  sicut  Deus  noster,  deus  illorum:  et  inimici  nostri  sunt  iudices.  32.  Ex  vite  enim  Sedom  est  vitis  eorum,  et  ex  vitibus  Emorrhaeorum  uvae  eorum  uvae  veneni,  "botri  amaritudinum  sunt  eis.  33.  Venenum  draconum,  vinum  eorum:  et  venenum  aspidum  crudele.  34.  Nonne  est  reconditum  apud  me,  obsignatum  in  thesauris  meis?  35.  Mea  est  ultio  ,  et  retributio,  tempore  nutabit  pes  eorum:  quia  propinquus  est  dies  afflictionis  eorum,  et  festinant  quae  fu*  iura  sunt  eis.  36.  Quia  iudicabit  Iehova  populum  suum,  et  super  servos  suos  poenitebit  ipsum,  quum  videbit  quod  abierit  manus,  et  non  sit  clausus  et  derelictus.  28.  Gens  enim  perdita.  Redditur  causa  cur  parum  abfuerit  quin  Deus  populi  memoriam  penitus  exstingueret  :  nempe  quia  incurabilis  erat  eorum  amentia.  Neque  enim  tantum  significat  inconsiderate  eos  ruere,  quia  ratione  et  iudicio  carent:  sed  nullo  modo  posse  reduci  ad  sanam  mentem,  denique  nullam  in  ipsis  residere  prudentiae  guttam.  Sequitur  continuo  post  probatio,  clariora  eorum  oculis  occurrere  documenta  irae  Dei,  quam  ut  eos  latere  queant,  nisi  prorsus  essent  caeci  et  stupidi.  Vox  )by  quam  vertunt  Utinam,  commiserationem  notat  potius  quam  votum  :  ideo  commode  sic  exponere  licebit:  O  si  intelligerent!  Per  extremum  vero,  exaggeratur  socordia:  quoniam  ne  multis  quidem  et  longis  experimentis  expergefacti  fuerint  ad  reputandas  cladium  suarum  causas,  nam  tardissimis  etiam  quibusque  et  fere  bardis,  sensum  aliquem  tandem  extorquet  temporis  diuturnitas.  Signum  ergo  desperati  stuporis,  post  multos  annos  nihil  sentire:  ac  si  usu  ipso  occallescerent  qui  debuerant  excusso  veterno  se  ipsos  colligere  ad  studium  inquirendi.  Merito  autem  exprobrat  Moses,  ne  ad  extremum  quidem  considerasse:  quia  non  semel  nec  uno  anno,  sed  continuis  poenarum  exemplis  per  longam  annorum  seriem  edocti  fuerint  sine  profectu.  30.  Quomodo  persequutus  fuisset  Ex  multis  vindictae  Dei  signis  unum  delegit  prae  aliis  insigne.  Quamdiu  enim  ab  eorum  parte  steterat  Deus  fugaverant  ingentes  exercitus,  nec  ulla  eos  multitudo  sustinuerat:  nunc  dum  plurimi  a  paucis  vincuntur,  palam  ostendit  mutatio  illa,  nudatos  esse  Dei  praesidio,  praesertim  quum  decem  hominibus  cedant  mille,  qui  prius  exigua  manu  soliti  fuerant  profligare  maximas  copias.  Stuporem  ergo  populi  coarguit  Moses,  ubi  in  mentem  non  venit  repudiatos  esse  a  Deo,  qui  tam  facile  a  paucis  hostibus  prosternuntur,  quos  numero  longe  superant.  Plus  tamen  exprimit  Moses,  venditos  et  addictos  fuisse:  quia  Deus  eos  indignos  suo  auxilio  toties  expertus,  non  tantum  deseruit,  sed  subiecit  eos  profanis  gentibus,  et  quodammodo  mancipavit.  Haec  commina-