20:371  371  EPISTOLAE  4138-4141  372  4138,  CORDERIUS  CALVINO.  Commendat  iuvenem  quendam  studiorum  causa  Genevam  deducendum.  (Ex  codice  Lngduno-Batavo  Perizonii  5,  fol.  1.  Qnam  hoc  loco  demum  afferimus  quum  eum  codicem  nondum  inspicere  nobis  contigerit  quo  tempore  epistolae  anni  1542  prelo  subiiciebantur.)  Ioanni  Calvino  optimo  et  carissimo  fratri  meo  in  Domino  Iesu.  8.  P,  Si  epistolam  meam  existimarem  plus  apud  te  ponderis  habituram  quam  verba  praesentia  optimorum  fratrum  nostrorum  Farelli  et  Barbarini,  de  hoc  adolescente  multis  verbis  ad  te  scripsissem.  Sed  quum  sit  notissimus  utrique  illorum,  quorum  testimonium  et  gravissimum  et  sanctissimum  esse  non  ignoras,  nihil  opus  fore  visum  est  ut  eum  verbosa  epistola  tibi  commendarem.  De  hoc  igitur  brevi  sic  habeto.  Quum  superioribus  annis  primum  apud  Fatonem,  deinde  hic  aliquamdiu  apud  me  nonnihil  in  linguae  latinae  principiis  promovisset,  nec  posset  cum  paupercula  matre  diutius  sustentari,  coactus  est  biennio  fere  literarum  studium  intermittere.  Sed  quum  viderent  fratres,  eius  animum  quum  ad  doctrinam  tum  ad  pietatem  semper  esse  propensum,  adeoque  constantem  in  proposito  ut  non  possent  de  illo  non  optime  sperare,  tandem  uno  et  eodem  consensu  decreverunt  ut  ad  vos  repetendorum  studiorum  gratia  deduceretur.  Qua  autem  ratione  speremus  eum  istic  ali  posse,  audies  ex  ipsis  fratribus.  Quod  superest,  si  commode  fieri  poterit  ut  apud  vos  maneat,  eum  spero  tibi  ob  nomen  Iesu  Christi  sic  fore  commendatum,  ut  paene  pudeat  meo  nomine  aliquid  commendationis  adiicere.  Si  quid  tamen  adhuc  apud  te  valet  tua  ista  iam  pridem  inveterata  in  me  benevolentia,  vide,  obsecro,  mi  Calvine,  ne  hic  bonae  spei  adolescens  statim  cogatur  sine  aliquo  literarum  profectu  ad  nos  remigrare.  Non  est,  ut  verum  fatear,  tam  felici  ingenio  ut  sine  assiduo  labore  ac  diligentia  possit  in  literis  magnos  progressus  facere:  nec  tamen  ita  prorsus  hebes,  ut  eum  diffidam  studio  pertinaci  aliquid  posse  consequi,  praesertim  si  assiduus  fuerit  Sebastiani  ')  auditor,  ab  eoque  diligenter  in  repetendis  praelectionibus  exerceatur.  Sed  iam  plura  quam  institueram.  Caetera  ex  Barbarino  plenissime  cognosces.  Fac,  oro,  ut  primo  quoque  tempore  ad  nos  mittatur  quidquid  iam  impressum  erit  ex  libello  tuo  de  christianae  religionis  4188.1)  Castellionis  qui  eo  ipso  tempore  Genevam  adiit.