6:370  ostium  per  peccata,  ipse  pulsat,  sollicitat,  et  variis  modis  ac  mediis,  quo  sibi  aperiamus  corda  nostra,  nos  provocat.  Nulli  ergo  deest  praeveniens  gratia,  qui  modo  cor  suum  ad  pulsantis  vocem,  sollicitationem,  provocationem  non  indurat.  Ipse  pulsat:  sed  nos  ei  aperire  debemus,  priusquam  introire  ad  nos  velit.  Quasi  vero  non  illic  expressus  esset  pulsandi  modus,  nempe,  quod  voce  et  exhortatione  nos  sollicitet.  Sed  qui  mentis  aperit  oculos  ut  intelligatur,  ipse  etiam  corda  aperit  ut  exaudiatur.  Utrumque  vero  Christi  officium  est.  Quid  igitur  proficit  Pighius,  tam  pueriliter  ineptiendo?  Clamat  Christus,  se  pulsare.  Fateor:  nempe  sicut  exponit,  monendo  et  hortando.  Quid  nunc  est  aperire?  Monitionem  corde  recipere,  et  obedire  exhortationi,  [pag.  191]  Hoc  in  nobis  situm  fingit  Pighius:  Deus  autem  sibi  vendicat.  Circumcidam,  inquit,  cor  tuum,  ut  audias  vocem  meam  (Deut.  30,  6).  Contra  vero  hanc  in  populo  israelitico  caecitatis,  stuporis,  contumaciae  causam  assignat  Moyses,  quod  Dominus,  neque  oculos  ad  videndum  dedisset,  neque  aures  ad  audiendum,  neque  cor  ad  intelligendum  (Deut.  29,  4).  At  reclamat  Pighius,  tametsi  a  Deo  adiuvemur,  non  tamen  obstare  id  quominus  partim  etiam  nostrum  sit,  et  videre,  et  audire,  et  intelligere.  Verum  ego  probationem  requiro,  pro  qua  extraneas  prorsus  ambages  affert.  Simile  est  quod  addit  ex  propheta  (Is.  55,  7):  Derelinquat  impius  viam  suam,  et  Dominus  miserebitur  eius.  Hoc,  inquit,  est  Deo  aperire  ostium,  iniquitati  renunciare;  quod  in  te  positum  esse  vides.  Itane  ?  ut  conversio  ad  Deum,  quae  vera  est  animae  resurrectio,  in  hominis  potestate  reponatur,  quo  se  a  morte  in  vitam  excitare  possit?  At  facere  id  nos  oportet,  ut  misereatur  nostri  Deus:  quo  intelligit  Pighius  iustificationis  gratiam  designari.  Si  omnia  illi  ultro  concedam,  statim  vicerit.  Verum  sic  sunt  firma  eius  omnia,  ut  unius  verbuli  ictu  protinus  concidant.  Poenitentiam  flagitat  Deus,  quum  ad  peccatorum  remissionem  populum  vocat:  quibus  etiam  duobus  membris  totam  evangelii  sui  praedicationem  includit  Christus  (Marc.  1,  15).  Hic  novam  argutiam  fabricatur  Pighius,  ab  iniquitate  recedere,  praeparationem  esse  hominis,  qua  Deo  obviam  procedat:  misericordiam  autem  Dei  esse  regenerationis  gratiam,  qua  hominem  adiuvet.  Quantum  vero  ad  persever  aniiam,  quotidianumque  usque  ad  finem  profectum  attinet,  ut  hominem  ostendat  cooperari  Deo,  illo  apostoli  testimonio  utitur  :  Gratia  Dei  in  me  vacua  non  fuit  (1  Cor.  15,  10).  Sed  qua  hoc  ratione  dicat,  observandum  fuit.  Ratio  autem  est,  quod  plus  reliquis  omnibus  laboraverit.  Sed  ne  labores  suos  iactando  quidquam  sibi  arrogare  videretur,  mox  correctionem  adhibuit:  Non  ego,  sed  gratia  Dei  quae  mecum  erat,  aut  quae  [pag.  192]  aderat  mihi.  Gratiae  Dei  iam  praecipuas