52:370  celluerunt  comoiuui  hominum  opinione,  sicuti  prius  columnae  videbantur:  ita  cadere  nequeunt  quin  alios  in  commune  praecipitium  trahant:  saltem  nisi  aliunde  fulciatur  eorum  fides.  Hoc  nunc  agit  Paulus.  Significat  enim  non  esse  causam  cur  labascant  pii,  etiamsi  videant  ruere  quos  putabant  esse  firmissimos.  Porro  hac  consolatione  utitur,  hominum  levitatem  aut  perfidiam  non  posse  obstare  quominus  ecclesiam  suam  Deus  ad  extremum  usque  servet.  Ac  primum  quidem  nos  revocat  ad  Dei  electionem,  quam  metaphorice  appellat  fundamentum,  firmam  et  stabilem  eius  constantiam  hoc  nomine  indicans.  Quamquam  hoc  totum  pertinet  ad  certitudinem  salutis  nostrae  comprobandam,  si  quidem  ex  electis  Dei  sumus.  Ac  si  diceret,  non  pendere  electos  Dei  ex  variis  eventis,  sed  inniti  solido  et  immobili  fundamento:  quia  in  manu  Dei  sit  eorum  salus.  Nam  sicuti  omnem  plantationem,  quam  non  plantavit  coelestis  pater,  eradicari  oportet:  ita  nullis  ventis  aut  procellis  obnoxia  est  radix,  quae  manu  eius  est  fixa.  Sit  ergo  hoc  primum:  in  hac  tanta  infirmitate  carnis  nostrae  electos  tamen  esse  extra  periculum,  quia  non  stent  propria  virtute,  sed  in  Deo  sint  fundati.  Quod  si  fundamenta  hominum  manu  iacta  tantum  habent  firmitudinis,  quanto  solidius  erit  quod  ab  ipso  Deo  positum  est?  Scio  a  nonnullis  referri  hoc  ad  doctrinam  :  ne  quis  eius  veritatem  aestimet  ex  hominum  inconstantia.  Verum  ex  contextu  facile  colligitur  Paulum  de  ecclesia  Dei  loqui,  aut  de  electis.  Habens  sigillum  hoc.  Quia  nomen  signaculi  quosdam  fefellit,  qui  notam  vel  insigne  ita  vocari  putarunt,  ego  sigillum  reddidi,  quod  minus  habet  ambiguitatis.  Et  sane  intelligit  Paulus  sub  arcana  Dei  custodia,  tanquam  signatorio  annulo,  contineri  salutem  electorum.  Quemadmodum  scriptura  testatur  scriptos  esse  in  libro  vitae.  Caeterum  tam  nomen  sigilli,  quam  sententia  quae  sequitur,  admonet  non  esse  ex  sensu  nostro  iudicandum  de  electorum  vel  multitudine  vel  paucitate.  Quod  enim  obsignavit  Deus,  nobis  vult  quodammodo  esse  clausum.  Deinde  si  proprium  Dei  est,  nosse  quinam  sint  sui,  non  mirum  est  si  nos  saepe  magnus  numerus  lateat,  si  fallamur  etiam  in  delectu  habendo.  Semper  tamen  notandum  cur  et  in  quem  finem  sigilli  mentionem  faciat:  nempe  quum  videmus  tales  casus,  ut  mox  veniat  nobis  in  mentem  quod  docet  Iohannes,  Ex  nobis  non  fuisse,  qui  a  nobis  exierunt  (1.  Iohan.  2,  19).  Unde  sequetur  duplex  fructus,  quod  non  concutietur  fides  nostra,  ac  si  ab  hominibus  penderet  :  neque  etiam  consternabimur  ut  in  rebub  inopinatis  fieri  solet:  deinde  quod,  ecclesiam  nihilominus  salvam  fore  persuasi,  aequiore  animo  patiemur  reprobos  abire  in  suam  sortem  cui  destinati  erant:  quia  manebit  integer  numerus  quo  Deus  contentus  est.  Ergo  quoties  aliquid  subitae  mutationis  praeter  opinionem  ac  spem  nostram  in  homi-  24