49:370  dentes  velle  coniungere.  Similis  est  ratio  sequentium  membrorum,  vos  estis  robusti,  inquit,  et  nobiles,  hoc  est,  gloriamini  mundi  opibus  et  praesidiis,  non  :  potestis  ferre  crucis  ignominiam  :  me  interea,  vestra  causa  ignobilem,  et  contemptum,  et  multis  infirmitatibus  obnoxium  esse,  an  rationi  consentaneum  est?  Eo  autem  plus  indignitatis  habet  haec  querimonia,  quod  apud  ipsos  quoque  infirmus  et  contemptibilis  erat.  In  summa,  vanitatem  eorum  deridet,  quod  inverso  ordine  filii  et  discipuli  gloriosi  esse  et  nobiles  vellent,  quum  pater  obscurus  esset  ac  etiam  omnibus  mundi  probris  expositus.  l  l  .  Ad  hanc  enim  horam.  Conditionem  suam  hic  tanquam  in  tabula  depingit  apostolus,  ut  discant  exemplo  suo  Corinthii  altos  illos  spiritus  deponere,  et  Christi  crucem  mansueto  animo  secum  amplecti.  Est  autem  summum  artificium,  quod  earum  rerum  commemoratione,  quae  illum  contemptibilem  reddiderant,  fidem  suam  singularem  et  indefessum  promovendi  evangelii  studium  comprobat:  et  rursum  aemulos  tacite  perstringit,  qui,  quum  nullum  tale  specimen  edidissent,  volebant  tamen  primi  haberi.  In  verbis  nihil  est  obscurum,  nisi  quod  notandum  est  discrimen  inter  haec  duo  participia  Xot6opo6|xevot  %a\  pXaacpy](xoo{ji��Vot:  quoniam  Xot8op��a  est  asperior  dicacitas,  quae  non  tantum  perstringit  hominem,  sed  acriter  etiam  mordet,  famamque  aperta  contumelia  sugillat:  non  dubium  est  quin  Xo:Sopetv  sit  maledicto  tanquam  aculeo  vulnerare  hominem:  proinde  reddidi  maledictis  lacessiti.  BXOCG^T^IOC  est  apertius  probrum,  quum  quispiam  graviter  et  atrociter  proscinditur.  Quum  dicit  se  sustinere  persequutionem  patiendo,  et  obsecrare  pro  maledicis,  non  tantum  cruce  affligi  se  et  humiliari  a  Deo,  sed  voluntaria  quoque  humilitate  praeditum  esse  significat.  In  quo  forte  pseudoapostolos  perstringit,  qui  adeo  molles  erant  ac  teneri,  ut  ne  minimo  quidem  digito  se  attingi  sustinerent.  De  labore  loquens,  addit  manibus  propriis  ad  exprimendum  melius  artis  suae  contemptum:  quasi  diceret,  non  modo  labore  meo  victum  mihi  comparo,  sed  manuario  labore  et  sordido.  13.  Quasi  exsecrationes  mundi.  Duobus  vocabulis  utitur,  quorum  prius  significat  hominem,  qui  publicis  exsecrationibus  pro  urbis  expiatione  devovetur;  tales  enim,  quod  in  se  recipiendo  quidquid  in  urbe  est  scelerum  ac  piaculi,  reliquum  populum  expurgant,  Graecis  vocantur  interdum  xafrapfxoE,  saepius  tamen  xa^apjiaxa.  Paulus  addendo  praepositionem  Tcepi  videtur  ad  ritum  ipsum  piacularem  respexisse,  quod  miseri  illi  homines  diris  devoti  per  vicos  circumducerentur,  ut  quidquid  esset  in  angulis  omnibus  mali  secum  ,auferrent,  quo  plenior  foret  lustratio.  Pluralis  numerus  subindicare  videri  posset,  eum  non  de  se  ipso  tantum  loqui,  sed  aliis  suis  collegis,  qui  non  minori  con-