41:370  presomption.  Quant  aux  Perses  et  aux  Medes,  combien  qu'il  y  ait  quelque  desloiaute  en  eux,  si  est-ce  qu'il  ne  leur  donne  point  une  telle  principaute  sur  tous,  sinon  qu'il  se  veut  servir  d'eux  pour  un  temps,  mais  si  est-ce  qu'il  ha  son  regard  sur  tout  a  son  Eglise.  Voila  donc  ce  que  nous  avons  a  observer,  c'est  quand  Dieu  ha  eu  pitie  de  son  peuple,  lequel  estoit  detenu  en  cette  captivite  si  miserable,  et  qu'il  luy  ha  tendu  la  main,  qu'alors  il  change  la  principaute  de  Babilonne.  Mais  cependant  si  voit-on  qu'il  ha  falu  que  le  peuple  endurast,  car  ce  changement  n'est  pas  advenu  que  les  pauvres  Iuifs  n'aient  este  foulles,  qu'ils  n'aient  soustenu  des  assaux  et  des  combats  beaucoup,  quand  la  guerre  ha  este  esmeue.  Car  se  peut-il  faire  une  guerre  en  un  pays,  que  chacun  ne  s'en  sente?  que  les  maisons  ne  soient  pillees,  qu'il  ne  se  face  beaucoup  d'extorsions,  d'outrages,  et  de  violences,  et  mesmes  il  nous  faut  noter,  que  les  pauvres  Iuifs  estoient  la  comme  brebis  entre  des  loups.  Car  il  y  avoit  l'armee  des  Perses  et  des  Medes,  qui  estoit  grosse  et  puissante  d'un  coste,  les  Chaldeens  se  vouloient  defendre  de  l'autre.  Or  on  scait  quand  un  Prince  fait  son  compte  de  tenir  bon  contre  ses  ennemis,  qu'il  n'espargnera  point  ses  subiects,  et  de  fait,  il  estoit  dit  que  toutes  les  victuailles,  et  les  munitions  fussent  retirees  en  la  ville  de  Babilonne.  Et  alors  on  voit  que  combien  qu'un  Prince  voulust  user  de  la  plus  grande  humanite  qu'il  luy  seroit  possible,  que  neantmoins  il  faut  que  ses  subiects  se  sentent  de  ces  grans  appareils  de  guerre  qui  se  font,  et  combien  qu'ils  desirassent  de  les  supporter,  que  neantmoins  il  faut  que  les  Chaldeens  aient  traicte  les  Iuifs,  lesquels  ils  tenoient  comme  pauvres  esclaves,  ils  n'ont  peu  supporter  leurs  subiects  en  telle  necessite.  Il  faloit  bien  donc  que  les  pauvres  Iuifs  endurassent  de  tous  costes,  et  si  est-ce  toutesfois  que  Dieu  ha  envoye  ceste  guerre  pour  leur  redemption:  voire,  mais  il  faloit  que  Dieu  les  disposast  encores  mieux  a  recevoir  la  grace  qui  leur  estoit  prochaine,  car  combien  qu'ils  eussent  langui  par  l'espace  de  soixante  ans,  si  voit  on  bien  qu'encores  n'avoient-ils  pas  este  bien  corriges  quant  a  eux.  Et  de  fait,  ce  n'estoit  pas  sans  cause,  que  les  Prophetes  les  condamnoient  si  griefvement,  qu'il  faut  que  le  nom  de  Dieu  soit  blaspheme  entre  les  incredules  pour  leur  mauvaise  vie,  laquelle  ils  menoient  la,  qu'ils  devoient  estre  comme  un  peuple  abatu  et  humilie,  plorant  leurs  peches,  veu  qu'ils  voioient  bien  la  vengeance  de  Dieu  sur  leurs  testes,  comme  elle  y  estoit  alors  plus  griefve  que  iamais.  Or  au  contraire,  ils  vont  tousiours  leur  train,  il  faloit  donc  qu'il  y  eust  encores  quelque  chastiement  pour  les  mieux  domter.  Et  au  reste  il  faloit  aussi  que  Dieu  aguisast  leurs  desirs,  a  ce  qu'ils  desirassent  tant  mieux  de  retourner  en  leur  pays,  ou  ils  peussent  adorer  Dieu  24