20:370  causa  quadam  consilio  atque  iudicio  tuo  opus  habere.  Ne  igitur  putes  hoc  a  me  vel  leviter  vol  non  ex  animo  dictum,  volui  te  eius  rei  certiorem  facere  quae  ita  se  habet:  Domini  mei  in  mandatis  mihi  dederunt  ut  in  quaestione  de  bello  turcico  confoederatis  nostris  clare  et  diserte  exponam  quid  ipsi  ea  in  re  faciundum  esse  putent,  videlicet:  nulli  christiano  statui  licere  ut  se  bello  isto  papistis  immisceat:  non  igitur  milite  ferenda  esse  auxilia,  sed  ne  invidia  et  mala  suspicione  se  gravent  status  nostri,  Regi  tantam  pecuniam  largiendam  quantam  ipsos  in  conducendis  militibus  exponere  oporteret.  Quum  vero  consilium  hoc  multis  ineptum,  nonnullis  rarum*  et  infirmum,  plerisque  vero  grave  et  inhumanum  videri  possit,  visum  est  mihi  istud  tibi  communicare,  cuius  sanctum  et  prudens  iudicium  tam  mihi  perspectum  est  ut  nihil  omnino  de  eo  dubitare  possim.  Rogo  igitur  modis  omnibus,  praestantissime  vir,  ut  consilium  senatus  mei  legas  et  diligenter  perpendas  et,  si  tale  esse  existimaveris  quod  indignum  sit  in  tanto  consessu  proponi,  libere  hoc  mihi  referas.  Volo  autem  tibi  persuasum  esse,  dominos  meos  ista  non  temere  sic  deliberasse,  sed  animo  bono  ac  sincero,  utpote  qui  unum  hoc  student  et  omnibus  votis  optant,  ne  in  magna  ista  causa  subinde  peccemus,  sed  in  omnibus  actionibus  salva  sit  et  firma  conscientia  nostra.  Ingens  est  malum  prae  foribus  quod  Germaniae  imminet,  quod  nisi  maturo  et  pio  consilio  propellatur,  quid  quaeso  aliud  futurum  esse  poterit  quam  ut  universa  Germania  devastetur.  Mirum  vero  si  hoc  ipsum  nobis  aliquando  accidat  quod  scriptura  tam  constanter  praedicit  et  vos  praecones  verbi  praemonetis,  hoc  inquam  quod  re  ipsa  quotidie  experimur,  et  iam  antea  omnibus  iis  evenit  qui  post  longam  verbi  praedicationem  resipiscere  noluerunt.  Curandum  itaque  ut  recta  et  salubria  remedia  huic  morbo  adhibeantur.  Consilium  vero  istud  tibi  soli  communico,  ea  lege  ut  nemini  aperias:  ego  certe  nulli  hominum  exposui.  Quod  si  rogare  auderem,  peterem,  optime  vir,  ut  responsum  tuum  brevi  scripto  mihi  redderes.  Sic  enim  exempla  et  scripturae  loca,  quibus  sententiam  istam  illustrares  vel  refellere��,  rectius  expendere  et  conferre  possem.  Scio  sancta  tua  negotia  quibus  quotidie  occupans,  sed  fretus  singulari  humanitate  et  benevolentia  tua  hoc  abs  te  peto  et  scribo.  Vale  et  commenda  me  precibus  tuis  diligenter  Domino  ut  dirigat  gressus  meos.  *)  Conradus  Zwiccius  ex  animo  tuus.  4137.1)  Fortassis  haec  epistola  scripta  est  sub  finem  comitiorum  Batisbonensium  a.  1541,  quum  Calvinus  iam  discessisse^  et  abrupto  colloquio  de  bello  Turcico  ageretur.  ZwicJcius  civitatis  Gonstantiensis  nomine  hic  loquitur.  Cf.  Sleidan.  II.  236.  24