9:37  37  CHRISTIANO  LECTORI  HEINRYCHUS  BULLINGERUS,  TIGURINAE  ECCLESIAE  MINISTER  S.  D.*)  Edidit  superioribus  diebus  clarissimus  vir  honorandusque  et  carissimus  frater  noster  D.  Iohannes  Calvinus,  Genevensis  ecclesiae  fidelis  pastor,  Defensionem  sanae  et  orthodoxae  doctrinae  de  sacramentis  ete.  Quam  licet  Genevae  typis  excudisset  optimus  typographus  Bobertus  Stephanus,  nulla  tamen  hic  nobis  praeter  paucula  ad  manum  erant  exempla,  quum  interim  plures  plurima  expeterent:  ideoque  f  actum  est  ut  industrius  fidelissimusque  typographus  ille  noster  Christophorus  Froschoverus,  bona  interim  cum  gratia  JRoberti  Stephani  et  ipse  exemplorum  aliquot  centurias  pro  studiosis  recuderit.  Qua  re  ipsum  multis  multum  inserviisse  nihil  dubitamus;  sicuti  et  pium  illum  fidelis  nostri  fratris  et  symmystae  Calvini  laborem  gratissimum  omnibus  piis  futurum  speramus,  quum  alias  ob  causas  plurimas,  tum  maxime  propter  brevitatem.  Scripti  sunt  dudum  hac  de  causa  a  piis  et  doctis  viris  libri  plures,  ut  nunc  brevia,  quae  aut  priorum  admoneant  aut  Uia  ipsa  illustrent,  non  obtusis  malignisve  sufficere  queant  ingeniis,  praesertim  quum  ipsa  res,  de  qua  disputatur,  huiusmodi  esse  videatur,  ut  extra  contentionem  paucis  possit  explicari,  apud  eos  maxime  qui  pluris  faciunt  simplicem  et  pacatam  veritatis  expositionem,  quam  implicatam  et  rixosam  concertationem.  Atque  utinam  ne  his  quidem  nunc  fuisset  opus.  Quoniam  vero  nonnulli  sunt,  qui  pro  concionibus  ecclesiasticis  et  per  scripta  publica  disputationem  hanc,  dudum  non  male  sopitam  depositamque,  de  integro  resuscitantes  infeliciter  revocant,  summa  necessitate  adactus  Calvinus  noster,  id  faciundum  suscepit  quod  fecit:  unde  et  laudem  meruit  haud  dubie  nunc  apud  pios  omnes,  gratiasque  ipsi  etiam  posteri  agent  immortales.  Utinam  vero  intelligerent  contentionis  huius  sopitae  restauratores,  quam  graviter  peccent  in  Deum  ipsum,  in  veritatem  eius,  eu  in  sanctam  Christi  eccle-  *)  Haec  Bullingeri  subscriptio  in  sola  editione  Turicensi  legitur.  Contulimus  cum  autoris  autographo  in  Archivis  Turic.  asservato  Plut.  VI.  tom.  106  {olim  B.  IL)9  fol.  673.  Simlerus  inseruit  suae  Collection*  Vol  83.