8:37  37  DE  SCANDALIS.  38  quae  referre  promptum  esset,  consulto  praetereo.  Sed  haec  et  alia  innumera  quisque  apud  se  expendat.  Iam  mulieres  ad  mortem  raptari  aiunt,  1)  quo  minus  habeant  veniae  non  viri  tantum,  sed  toti  populi:  qui  ut  brevem  caducae  pacis  usuram  redimerent  in  mundo,  filium  Dei  aeternae  vitae  autorem  abnegare,  seque  coelesti  eius  regno  privare  non  dubitarent.  Postremo,  quorsum  profutura  sint  quae  vulgo  nunc  in  gravibus  malis  reputantur,  Dominus  ipse  melius  novit.  Nostrum  est,  quidquid  calamitatum  acciderit,  forti  animo  accipere,  exitum,  qualis  optandus  est,  a  Domino  sperantes:  semper  quidem  hoc  habere  constitutum,  utcunque  ad  tempus  prematur  ecclesia,  optimum  patrem,  qui  singularem  eius  curam  gerit  nunquam  passurum,  ut  obruta  deficiat.  Si  Christum  in  medio  hostium  dominari  oportet,  sicut  spiritus  testimonio  2)  olim  testatum  est  (Psal.  110,  2),  regnum  eius  inter  nos  sine  militia  et  continuis  certaminibus  esse  non  potest.  Si  nos  ovibus  similes  sumus  mactationi  destinatis,  adversarii  autem  luporum  instar  rabie  ardent:  veniat  nobis  in  memoriam  illud  Domini  praeceptum,  possidendas  esse  in  tolerantia  animas,  donec  suam  ipse  virtutem  in  nostra  infirmitate  perficiat  (Luc.  21,  19).  Certe  nihilo  felicius  habebant  apostoli,  quum  intrepide  clamarent:  Ut  quid  tumultuantur  gentes,  et  populi  meditantur  inania  (Act.  4,  25)?  Nos  quoque,  si  teneamus  quid  valeat  illud,  in  coelo  Deum  ridere  (Psal.  2,  4),  quum  impiis  habenas  laxat,  eadem  qua  apostoli  fiducia  instructi  toti  mundo  quamvis  armato  secure  insultabimus.  Sequuntur  scandala,  quae  iterum  ex  doctrina  vulgo  creduntur  provenire,  sed  re  vera  humanae  vel  proterviae,  vel  inscitiae,  vel  curiositatis  proprii  sunt  ac  germani  foetus.  Scriptura  de  naturae  nostrae  corruptione  ita  docet,  quod  ingenitam  ex  utero  vitiositatem  ac  malitiam  afferamus:  ita  non  [pag.  45]  posse  ex  mala  arbore  prodire  nisi  malos  fructus,  donec  Christi  gratia  simus  in  integrum  restituti.  Hic  colligit  humana  ratio,  non  tantum  carere  homines  ipsos  culpa  dum  peccant,  sed  Deo  culpam  merito  posse  adscribi,  qui  tales  eos  creat,  ut  nati  ad  peccandum  videantur.  Interroget  unusquisque  suam  conscientiam:  protinus  convictus  obmutescet.  Illic  enim  reperiemus  quod  scriptura  toties  testatur,  fontem  omnium  vitiorum  esse  pravitatem,  quae  in  nobis  haeret.  Nos  ideo  mala  omnia  perpetrare,  quia  quod  Deo  displicet  appetamus.  Qui  fit  igitur  ut,  quos  intus  reos  peragit  propria  conscientia,  vanas  excusationes  hinc  inde  avide  conquirant,  ad  se  et  alios  reatu  eximendos?  neque  eo  contenti,  Deum  quoque  in  crimen  vocent?  Nisi  sponte  se  fallere  in  suum  exitium  illis  liberet,  annon  1)  en  aucuns  lieux  d'Allemagne.  2)  comme  David  l'a  prophetise.