54:37  37  SUR  LA  SECONDE  A  TIMOTHEE.  38  resistent  puissamment,  qu'ils  se  monstrent  bons  gendarmes:  quand  ils  verront  que  la  verite  de  Dieu  sera  assaillie,  que  les  uns  s'eleveront  manifestement  a  l'encontre  de  Dieu,  que  les  autres  voudront  desguiser  les  choses,  qu'ils  verront  le  bien  estre  comme  recule,  qu'ils  ne  dissimulent  point,  que  la  ils  mettent  en  avant  ce  que  Dieu  leur  a  donne  pour  s'opposer  au  mal:  finalement  qu'ils  monstrent  qu'ils  sont  vrais  procureurs  de  Dieu,  Voila  en  somme  ce  que  sainct  Paul  a  voulu  dire  en  ce  passage.  Mais,  helas,  ici  on  voit  qu'auiourduy  il  y  en  a  bien  peu  qui  ayent  une  telle  approbation,  et  par  consequent  que  le  titre  de  ministres  et  de  pasteurs,  et  de  Prestres  est  par  trop  prophane.  Car  combien  en  trouvera-  on  qui  ayent  ceste  magnanimite  de  resister  a  tout  le  monde,  et  quoy  qu'il  adviene,  qu'ils  ne  laissent  point  d'aller  tousiours  leur  train?  Mais  au  contraire,  on  voit  que  nul  ne  veut  avoir  les  malesgraces,  mais  qu'on  ne  demande  qu'a  complaire.  Et  a  qui?  Aux  plus  meschans:  tellement  qu'il  y  en  a  beaucoup  a  qui  on  feroit  prescher  aussi  tost  l'Alcoran  de  Mahommet,  que  l'Evangile:  moyennant  qu'ils  ayent  leur  escuelle  dressee,  et  leur  souppe  grasse,  ce  leur  est  tout  un.  On  verra  cela.  Helas,  f  au  t-il  que  nous  soyons  ainsi  blasonnez  a  nostre  grand'  honte?  Mais  quoy?  Que  gagnerons-nous  quand  nostre  turpitudo  sera  notoire  iusques  aux  petis  enfans,  et  qu'il  n'en  sera  point  parle  en  chaire?  Et  ainsi  advisons  a  nous:  et  que  ceux  qui  sont  constituez  ministres  de  la  parole  de  Dien  (commencant  par  moy)  regardent  qu'ils  auront  beau  se  glorifier  du  titre:  car  ils  seront  desavouez  de  Iesus  Christ,  sinon  qu'ils  ayent  ceste  constance  en  eux  de  maintenir  la  verite,  voire  et  de  faire  que  Iesus  Christ  soit  honore  et  servi,  et  qu'on  l'adore,  et  que  toute  hautesse  du  monde  soit  abbatue,  afin  de  luy  faire  hommage  de  ce  qu'il  les  a  constituez  en  lieu  tant  honorable:  que  s'ils  ne  le  font,  il  faudra  que  leur  confusion  soit  tant  plus  horrible,  s'ils  ne  tendent  a  ce  but  que  sainct  Paul  nous  propose,  ll  est  vray  que  selon  nostre  infirmite  nous  ne  pourrons  pas  faire  ce  qu'il  seroit  a  souhaiter:  mais  si  faut-il  que  nous  travaillans  apres,  ou  autrement  mal-heur  sur  nous.  Voila  quant  a  cest  esprit  de  vertu,  lequel  est  oppose  a  l'esprit  de  timidite.  Car  ce  mot  de  crainte,  ne  seroit  point  du  tout  propre,  pource  qu'il  y  auroit  quelque  doute  :  car  il  y  a  une  crainte  qui  est  bonne.  Mais  sainct  Paul  parle  ici  de  pusillanimite,  comme  sur  tout  le  mot  dont  il  use  en  Grec,  le  porte.  Or  donc  les  ministres  de  la  Parole  seront  constans,  quand  ils  craindront  Dieu.  Car  qui  est  cause  de  nous  rendre  hardis,  et  que  nous  resistons  a  ce  qui  s'eleve  contre  Dieu?  Qui  est-ce  qui  nous  donne  une  telle  constance?  La  crainte  de  Dieu.  Ainsi  donc  ceste  crainte  ne  nous  doit  point  retenir,  mais