53:37  37  SUR  LA  PREMIERE  A  TIMOTHEE.  38  que  tels  hypocrites  ayans  bien  confesse  le  nom  de  Dieu  de  la  langue,  le  renoncent  en  toute  leur  vie.  Voici  donc  une  condamnation  horrible  sur  ceux  qui  auiourd'huy  se  glorifient  d'estre  Chrestiens,  veu  qu'on  voit  qu'il  y  a  si  peu  de  rondeur  et  de  droiture  par  tout,  mais  que  tout  est  plein  de  trahison  et  de  desloyaute:  et  que  les  hommes  estans  ainsi  pariures  a  Dieu,  ne  gardent  nulle  equite  envers  leurs  prochains.  Quand  nous  voyons  que  l'iniquite  domine  ainsi,  que  dira-on  sinon  que  la  foy  est  abolie?  Or  tant  y  a  que  ceci  ne  nous  est  point  dit  pour  nostre  condamnation,  mais  c'est  afin  de  nous  guider  plustost  a  Dieu,  et  que  nous  poursuivions  le  chemin  lequel  nous  devons  tenir  et  scavoir.  Que  tous  ceux  donc  qui  ont  quelque  sentiment  de  Dieu  et  de  sa  maieste,  cognoissent  que  iamais  ne  profiteront  bien  en  l'Escriture  saincte,  sinon  en  se  retirant  du  monde.  Car  les  corruptions  sont  auiourd'huy  si  grandes  et  enormes,  qu'en  nous  meslant  les  uns  parmi  les  autres,  nous  ne  faisons  que  nous  souiller  et  polluer:  nous  sommes  comme  sacs  a  charbonnier,  ainsi  que  dit  le  proverbe.  Pourtant  quiconque  se  voudra  ranger  a  Dieu,  il  faut  qu'il  apprene  de  se  recueillir.  Et  pour  ce  faire  qu'il  note  bien  ce  qui  est  ici  declare  par  sainct  Paul.  Maintenant  quand  nous  ferons  comparaison  de  ceste  doctrine  de  sainct  Paul  avec  le  train  qui  est  auiourd'huy  mene  quasi  par  tout,  on  trouvera  que  c'est  comme  le  feu  et  l'eau.  Sainct  Paul  parle  de  foy,  et  cependant  nous  voyons  que  tous  sont  incredules.  Voila  auiourd'huy  ceux  qui  font  assez  belle  confession  de  croire  a  l'Evangile:  s'il  leur  advient  quelque  petite  tentation  et  vulgaire,  les  voila  esperdus.  S'ils  estoyent  fondez  en  la  grace  de  Dieu,  ne  seroit-ce  pas  pour  les  asseurer  et  en  la  vie  et  en  la  mort?  Et  toutesfois  il  n'en  est  point  de  question,  ou  bien  s'ils  le  font,  ce  n'est  que  pour  une  bouffee:  les  voila  tantost  tournez:  de  perseverer  il  n'en  est  point  de  nouvelles.  Et  ainsi,  quand  les  hommes  ne  peuvent  batailler  conte  les  tentations  que  sainct  Paul  leur  dit,  et  qu'ils  ne  peuvent  avoir  leur  refuge  ia  Dieu  pour  esperer  de  luy  qu'il  aura  le  soin  de  leur  salut,  et  s'en  tenir  certains,  ou  est  ceste  foy  dont  parle  ici  sainct  Paul?  ou  est-ce  que  ce  coeur  pur,  et  ceste  bonne  conscience  se  trouveront?  Nous  voyons  que  tous  deux  sont  quasi  bannis  auiourd'huy  du  monde.  A  parler  proprement,  ceste  bonne  conscience-  ci,  c'est  quand  nous  n'aurions  point  de  tesmoins  qui  nous  peussent  redarguer  devant  le  monde,  que  toutesfois  nous  puissions  protester  que  nous  avons  chemine  droitement,  scachans  que  Dieu  nous  doit  suffire,  et  que  puis  que  nous  ne  pouvons  pas  fuir  son  regard,  et  qu'il  sonde  non  seulement  nos  oeuvres,  mais  aussi  nos  affections  et  pensees,  combien  que  nous  ne  soyons  point  suiets  a  nul  blasme  ne  reproche,  que  nous  ne  laissions  pas  de  cheminer  en