52:37  37  CAPUT  IL  38  munera  cuiusvis  generis,  sed  hic  ad  cultum  Dei  proprie  spectat,  quemadmodum  Latini  dicunt  operari  sacris.  Nunc  Paulus  dicit  se  laetum  fore  si  immolandus  sit  super  eiusmodi  sacrificio:  quo  scilicet  magis  ratum  sit  et  firmum.  Hoc  est  ex  animo  docere  evangelium,  quum  parati  sumus  proprio  sanguine  quod  docemus,  sancire.  Caeterum  hinc  colligenda  est  utilis  doctrina  de  natura  fidei:  non  esse  scilicet  rem  inanem,  sed  quae  hominem  Deo  consecret.  Simul  habent  hic  evangelii  ministri  eximiam  consolationem,  qui  praedicantur  esse  Dei  sacerdotes  ad  offerendas  illi  hostias.  Quo  enim  ardore  incumbere  debet  in  praedicandi  studium,  qui  novit  acceptum  hoc  Deo  sacrificium  esse?  De  hoc  genere  sacrificii  quum  nihil  teneant  miseri  papistae:  aliud  confingunt,  quod  extremum  est  sacrilegium.  Congaudeo,  inquit,  vobis:  ut  si  contingeret  ipsum  mori,  scirent  id  fieri  suo  profectu,  fructumque  ex  morte  sua  perciperent.  18.  Gaudete.  Hac  alacritate  sua  Philippenses  animat  et  accendit  ad  mortem  fortiter  obeundam,  in  qua  nihil  mali  patiantur  fideles.  Ante  enim  docuit  lucro  sibi  fore  mortem  :  hic  tamen  praecipue  cavet  ne  mors  sua  conturbet  Philippenses.  Negat  igitur  tristitiae  causam  esse:  imo  Iactandum  potius,  quia  frugiferam  sensuri  sint.  Etsi  enim  gravis  per  se  iactura  erat  privari  tali  doctore:  illa  tamen  compensatio  non  erat  levior,  quod  sanguine  eius  sanciebatur  evangelium.  Interea  admonet  sibi  privatim  mortem  laetam  fore.  Quod  Erasmus  in  praesenti  vertit,  gaudetis,  prorsus  alienum  est.  19.  Spero  autem.  Promittit  illis  adventum  Timothei,  ut  eius  exspectatione  se  virilius  sustineant,  neque  cedant  impostoribus.  Quemadmodum  enim  in  bello  spes  subsidii  retinet  militum  animos  ne  frangantur:  ita  etiam  haec  cogitatio  multum  animi  dare  poterat  Philippensibus,  Veniet  brevi  qui  hostium  nostrorum  machinationibus  se  opponat.  Quod  si  tantum  valebat  sola  exspectatio,  multo  efficacior  futura  erat  praesentia.  Notanda  conditio,  qua  se  Dei  providentiae  subiicit,  nihil  nisi  ea  praeeunte  deliberans;  ut  certe  nihil  in  futurum  statuere  licet,  nisi  sub  manu  Domini,  ut  ita  loquar.  Quum  addit,  ut  t  r  a  n  q  u  i  l  l  o  sim  animo,  amorem  erga  eos  suum  declarat:  utpote  qui  tam  anxius  esset  eorum  periculis,  ut  nisi  cognito  eorum  prospero  statu,  non  bene  haberet.  20.  Neminem  habeo  pari  animo.  Quamquam  nonnulli  diversum  sensum  eliciunt:  ego  sio  interpretor:  Neminem  habeo  aeque  animatum  ad  res  vestras,  curandas.  Potius  enim  cum  aliisy  meo  iudicio,  Timotheum  Paulua  comparat,  quam  secum:  et  quidem  eo  consilio  singulare  ei  elogium  tribuit,  ut  propter  raritatem  maiore  sit  in  pretio.  21.  Omnes  enim  qyae  sua  suni.  Non  loquitur  de  iis,  qui  plane  abiecerant  studium  pietatis  sed  de