51:37  37  SUR  L'EPITRE  AUX  GALATES.  38  seulement  reputez  larrons  devant  Dieu:  mais  tous  ceux  qui  veulent  estre  reputez  gens  de  bien,  et  qui  sont  mesmes  en  credit,  si  ceux-la  seduisent  et  fraudent  leurs  prochains,  quelque  couleur  qu'ils  ayent  devant  les  hommes,  et  qu'on  ne  les  puisse  accuser  de  larrecin,  si  est-ce  qu'ils  sont  larrons  devant  Dieu.  Autant  en  est-il  de  tout  le  reste.  Ainsi  en  ce  passage  quand  sainct  Paul  dit  que  les  oeuvres  de  la  chair  sont  notoires,  il  nous  donne  telle  instruction  que  du  gros  il  vient  au  menu.  Et  quand  nous  aurons  este  conveincus  de  nos  pouretez  et  vices,  et  qu'on  nous  aura  tellement  descouvert  nostre  honte,  qu'il  n'y  aura  plus  de  replique,  qu'alors  nous  entrions  en  l'autre  examen,  c'est  a  scavoir  de  cognoistre  que  tous  les  appetits  qui  nous  incitent  a  mal,  soit  a  larecins,  soit  a  cruautez,  soit  a  tromperie  et  a  periures,  soit  a  haine  et  inimitiez:  que  toutes  ces  choses-la  sont  a  condamner  aussi  bien:  car  l'arbre  ne  laisse  pas  d'estre  mauvais,  combien  qu'on  ne  voye  pas  du  premier  coup  les  fruicts:  mais  par  les  fruicts  on  iuge  de  la  nature  de  l'arbre,  cependant  l'arbre  tient  tousiours  sa  nature.  Or  ceci  est  bien  a  noter  pour  ce  que  les  hommes  (comme  i'ay  dit),  encores  que  Dieu  les  contraigne  a  se  condamner,  ne  le  feront  iamais  qu'a  demi.  Et  cependant  si  est-ce  que  tousiours  ils  voudroyent  que  ce  qui  n'apparoit  point  devant  les  hommes,  leur  fust  relasche,  et  qu'on  n'en  fist  nulle  mention.  Comme  celuy  qui  sera  condamne  d'avoir  fait  un  meschant  acte,  il  est  vray  qu'il  ne  s'en  excusera  point,  voire  quand  il  faut  qu'il  confesse  par  force.  Mais  cependant  qu'il  entre  en  soy  pour  sentir  le  iugement  de  Dieu,  et  ce  qu'il  a  merite,  et  qu'il  regarde  devant  qu'il  soit  venu  a  cest  acte-la  qu'il  a  eu  plusieurs  tentations,  et  qu'il  a  offense  Dieu  une  centaine  de  fois  devant  que  son  vice  apparust,  il  n'est  point  question  de  cela.  D'autant  plus  donc  nous  faut-il  bien  noter  cest  advertissement  que  i'ay  desia  touche:  et  mesmes  nous  voyons  une  sottise  par  trop  lourde  aux  docteurs  de  la  Papaute,  quand  ils  disent  que  ce  n'est  point  pecho  de  penser  mal  et  d'estre  tente  moyennant  qu'on  n'y  consente  point.  Un  homme  pourra  estre  solicite  a  faire  quelque  tort  a  son  prochain,  il  aura  un  chagrin  et  un  despit  pour  se  venger  de  celuy  qui  l'aura  offense,  et  si  l'occasion  s'estoit  presentee,  il  seroit  incontinent  ravi,  moyennant  qu'il  n'ait  pas  un  consentement  resolu  (disentils),  cela  n'est  point  peche.  Ils  ne  font  que  torcher  leur  bouche  comme  des  putains,  ou  comme  des  truyes  qui  monstreront  leur  museau  quand  elles  auront  fouille  parmi  la  fange  et  ordure.  Qu'un  homme  murmure,  et  qu'il  se  despite  contre  Dieu  et  mesmes  qu'il  doute  si  Dieu  aura  le  soin  de  luy:  qu'il  soit  agite  de  beaucoup  de  defiances,  en  sorte  qu'il  ne  pourra  avoir  nullement  son  refuge  a  Dieu  :  toutes  ces  choses  la  ne  sont  point  peche  entre  les  Papistes: