5:37  LIBER  T.  CAPUT  II.  III.  praefracta.  Valerius  lib.  II.  :  Aspero  enim  et  abscisso  castigationis  genere  militaris  disciplina  indiget.  Et  lib.  VX  :  Aliquanto  Charondae  Tyrii  praefractior  et  abscissior  iustitia,  ad  vim  et  cruorem  usque.  Vide  Budaeum  in  annott.  poster.  Eodem  libro:  Quam  efficax  est  animi  sermonisque  abscissi  gravitas.  Tam  omnibus  ignoscere  crudelitas  est"]  In  Mimo  Publiano  legitur  :  Bonis  nocet,  quisquis  pepercerit  malis.  Non  quod  boni  sanguinis  sint  appetentes,  sed  quia  non  aliunde  petunt  praesidium  quam  a  legibus  quae  si  malis  omnia  permitterent,  actum  esset  de  omnium  bonorum  salute.  Quintilianus  lib.  XII.  :  Si  poenas  scelerum  expetere  [pag.  2  5]  fas  non  est,  prope  est  ut  scelera  ipsa  permissa  sint:  et  licentiam  malis  dari,  certe  contra  bonos  est.  In  partem  humaniorem  praeponderet]  Hanc  metaphoricam  loquutionem  a  ponderibus  sumptam  malim  ex  verbis  Gregorii  intelligas,  qui  sic  loquitur  in  Moralibus:  Omnis  qui  iuste  iudicat,  stateram  in  manu  gestat;  in  utroque  penso  iustitiam  et  misericordiam  portat.  Sed  per  iustitiam  reddit  peccati  sententiam,  per  misericordiam1  peccati  temperat  poenam:  ut  iusto  libramine  quaedam  per  aequitatem  corrigat,  quaedam  vero  per  misericordiam  indulgeat.  Iam  quia  difficile  est  appendi  semper  aequa  lance  sententiam,  vult  Seneca  iudicem  in  clementiam  potius  quam  in  crudelitatem  esse  propensum.  Id  etiam  iure  constitutum  est,  ut  si  sententiae  pari  numero  adversae  ferantur,  reus,  quasi  numero  vicerit,  absolvatur.  Cuius  rei  ^ationem  reddit  Aristoteles  Problematum  sectione  XXIX.  CAPUT  III.  Nunc  in  tres  partes  omnem  hanc  materiam  dividam.  Prima  erit  manumissionis.  Secunda  quae  naturam  clementiae  habitumque  demonstret:  nam  quum  sint  vitia  quaedam  virtutes  imitantia,  non  possunt  secerni,  nisi  signa  quibus  dignoscantur,  impresseris.  Tertio  loco  quaeremus  quomodo  ad  hanc  virtutem  perducatur  animus,  quomodo  confirmet  eam,  et  usu  suam  faciat.  Nullam  vero  ex  omnibus  virtutibus  magis  homini  convenire,  quum  sit  nulla  humanior,  constet  necesse  est,  non  solum  inter  nos,  qui  hominem  sociale  animal  communi  bono  genitum  videri  volumus,  sed  etiam  inter  illos  qui  hominem  voluptati  donant,  quorum  omnia  dicta  factaque  ad  utilitatem  suam  spectant.  Nam  si  quietem  petit  et  otium,  hanc  virtutem  naturae  suae  nactus  est,  quae  pacem  amat  et  manus  retinet.  Nullum  tamen  clementia  ex  omnibus  magis  quam  regem  aut  principem  decet.  Ita  enim  virtutes  magnis  viris  decori  gloriaeque  sunt,  si  illis  salutaris  potentia  est.  Nam  pestifera  vis  est,  valere  ad  nocendum.  Illius  demum  magnitudo  stabilis  fundataque  est,  quem  omnes