48:37  37  CAPUT  II.  38  nondum  apparuerim  mediator  in  carne  et  advocatus,  precati  tamen  estis  :  nunc  ubi  patrocinium  meum  accedet,  quanto  animosius  id  facere  conveniet?  22.  Viri  Israelitae,  audite  hos  sermones:  Iesum  Nazarenum,  virum  a  Deo  ostensum  erga  vos  virtutibus  et  prodigiis  et  signis,  quae  fecit  per  ipsum  Deus  in  medio  vestri,  quemadmodum  et  ipsi  nostis:  23.  hunc,  inquam,  definito  consilio  et  praescientia  Dei  traditum  per  manus  impiorum  accepistis,  et  cruci  affixum  interemistis.  24.  Quem  Deus  suscitavit,  solutis  doloribus  mortis,  quandoquidem  impossibile  erat  ipsum  teneri  ab  ea.  22.  Iesum  Nazarenum.  Nunc  Petrus  ad  suum  institutum  prophetiam  Ioelis  accommodat:  nempe  ut  inde  agnoscant  Iudaei  adesse  instaurationis  tempus:  et  ideo  Christum  sibi  esse  datum.  Neque  enim  aliter  quam  adventu  mediatoris  complenda  erat  haec  promissio.  Atque  hic  demum  rectus  est  usus  donorum  omnium,  quae  per  Christum  percipimus,  dum  nos  ad  Christum  ipsum,  veluti  ad  fontem  deducunt.  Verum  huc  sensim  praeceditur.  Neque  enim  statim  a  principio,  Iesum  fuisse  Christum  affirmat:  sed  tantum  dicit,  hominem  fuisse  divinitus  missum  :  idque  probat  ex  miraculis.  Postea  addit,  a  morte  resurrexisse,  quum  esset  occisus.  Unde  certius  et  plenius  apparet  non  fuisse  unum  aliquem  ex  prophetis,  sed  ipsum  Dei  filium,  qui  promissus  fuerat  omnium  reparator.  Sit  ergo  hoc  primum  membrum,  Iesum  Nazarenum  hominem  fuisse,  luculentis  testimoniis  approbatum  a  Deo,  ut  sperni  quasi  vulgaris  aut  obscurus  non  deberet.  'ATcoSsSetYixevov,  vetus  interpres  non  male  reddidit  approbatum.  Ac  fallitur  Erasmus,  qui  putat  eum  secus  legisse.  Ipse  vero  Lucae  mentem  minime  expressit,  quum  vertit  exhibitum.  Nam  quum  verbum  illud  Graecis  significet  demonstrare:  unde  et  mathematici,  ano$��Il*eic  vocant  argumenta,  quibus  oculis  rem  perspicue  subiiciunt:  voluit  dicere  Lucas,  Iesum  non  venisse  incognitum,  ac  sine  ullo  testimonio  vel  approbatione:  sed  in  hoc  valuisse  quae  Deus  per  illum  edidit  miracula,  ut  illustris  et  eximius  esset.  Ideo  dicit  ostensum  erga  Iudaeos:  quia  Deus  inter  illos  filium  suum  insignem  et  magnum  haberi  voluit.  Ac  si  diceret,  miracula  non  aliis  gentibus  fuisse  destinata,  sed  Iudaeis:  ut  Iesum  divinitus  sibi  missum  agnoscerent.  Virtutibus.  Miracula  tribus  istis  nominibus  designat.  Et  sane  quoniam  Deus  potentiam  in  illis  suam  novo  et  inusitato  modo  exserit,  vel  saltem  plus  admirationis  excitat,  merito  dicuntur  virtutes.  Solemus  enim,  quum  aliquid  extraordinarium  accidit,  magis  commoveri.  Qua  ratione  etiam  dicuntur  prodigia:  quoniam  obstupescere  nos  cogunt.  Signa  autem  ideo  vocantur:  quia  Dominus  mentes  homi-