44:37  37  CAPUT  II.  38  animat  fideles  ad  bonam  spem,  ne  scilicet  terreret  ipsos  sua  paucitas:  quemadmodum  ubi  sese  respiciunt  et  vident  se  obrui  ingenti  turba,  putant  se  reputari  pro  nihilo.  Ergo  ne  deficiant  animis,  propheta  dicit  reliquias  istas  curae  esse  Deo:  quoniam  ubi  visitaverit  totum  maris  tractum  et  alias  regiones,  erit  illic  tutum  domicilium  vel  refugium  Iudaeis.  Erit  ergo  funiculus  ille,  inquit,  residuo  domus  Iehudah,  pascentur  apud  Ascalon,  et  accubabunt  illic  vesperi:  hoc  est,  reperient  suo  exsilio  aliquem  locum,  ut  scimus  Iudaeos  non  omnes  fuisse  abstractos  in  longinquas  terras:  et  qui  potuerunt  latere  in  locis  vicinis,  facilius  deinde  fuerunt  collecti,  ubi  permissa  fuit  redeundi  libertas.  Hoc  significat  nunc  propheta,  quum  dicit  fore  etiam  nocturnum  hospitium  Iudaeis  apud  Moabitas  et  reliquos  vicinos.  Ratio  sequitur  quae  confirmat  sententiam  quam  attuli:  quia  Iehova  Deus  ipsorum,  inquit,  visitabit  eos.  Videmus  ergo  prophetam  hic  mitigare  tristitiam  exsilii,  et  gravissimae  illius  cladis  quae  Iudaeis  instabat,  dum  illis  promittit  novam  Dei  visitationem  :  quasi  diceret,  Etiamsi  Dominus  nunc  videtur  saevire  contra  vos,  et  videtur  oblitus  esse  sui  foederis,  tamen  iterum  misericordiae  suae  recordabitur,  ubi  maturum  tempus  advenerit.  Et  addit,  Beducet  captivitatem  eorum  ut  ostendat  gratiam  hanc  fore  victricem  contra  omnia  obstacula.  Poterant  enim  obiicere  Iudaei,  Cur  non  statim  nobis  occurrit  Dominus:  sed  potius  nos  permittit  hostibus,  ut  rapiamur  in  exsilium?  Propheta  hic  ad  tolerantiam  eos  revocat:  et  tamen  promittit,  ubi  in  exsilium  tracti  fuerint,  redituros  in  patriam:  quia  Dominus  non  patietur  exsilium  illud  esse  perpetuum/  Iam  sequitur  :  8.  Audivi  opprobrium  Moab,  et  contumelias  filiorum  Ammon,  quibus  exprobrarunt  populo  meo,  et  se  extulerunt  contra  terminum  ipsorum.  Confirmat  propheta  quod  paulo  ante  dixerat  de  vindicta  Dei  contra  hostes  extraneos.  Quanquam  certatim  vicinae  omnes  gentes  molestae  erant  Iudaeis,  scimus  tamen  plua  fuisse  odii,  imo  furoris,  in  istis  duabus  gentibus:  nempe  in  Moabitis  et  Ammonitis,  quae  tamen  sanguine  coniunctae  erant:  quia  trahebant  originem  a  Loth,  qui  fuerat  nepos  Abrahae.  Quum  ergo  illa  cognatio  deberet  flectere  Moabitas  et  Ammonitas  ad  aliquam  misericordiam,  scimus  maiore  insania  et  quasi  belluino  impetu  semper  fuisse  infestos  Iudaeis.  Haec  ratio  est  cur  propheta  peculiariter  nunc  de  ipsis  loquatur.  Quanquam  autem  nonnulli  accipiunt  hanc  sententiam  in  persona  fidelium,  contextus  tamen  flagitat  referri  ad  Deum:  et  haud  dubie  se  ex  alto  despicere  admonet  quas  Moab  fastus  nebulas  in  aerem  spargebat,  quasi  pronuntiet  sibi  non  esse  obscurum  vel