42:37  37  SUR  LE  XL  CHAR  DE  DANIEL.  SERMON  XXXVII  sur  le  Chap.  XI.  v.  20.30.  L'ange  parle  ici  de  deux  fils  qui  succederent  au  roy  Antiochus  le  grand,  dont  le  premier  se  nommoit  Seleuche.  Or  l'ange  dit  que  celuy  la  viendra  en  dignite  royale,  mais  cependant  il  sera  cruel,  il  imposera  de  grosses  tailles  et  tributs  sur  son  peuple.  Or  il  parle  de  dignite  royale,  pource  qu'il  estoit  l'aisne,  et  que  selon  l'ordre  de  nature  et  la  coustume  du  pays,  le  royaume  luy  appartenoit:  en  somme  l'ange  signifie  que  sa  vocation  est  legitime,  mais  cependant  il  declare  qu'il  en  usera  mal,  que  le  royaume  sera  foulle  par  luy,  de  gros  tributs  et  impositions.  Or  les  historiens  monstrent  que  tout  ceci  a  este  accompli,  qu'ils  sont  tesmoings  de  la  verite  de  Dieu,  ils  ne  l'ont  point  pense.  Mais  tant  y  a  que  Dieu  s'en  est  servi  pour  confirmation  des  choses  qui  sont  ici  couchees  par  escrit.  Or  quand  nous  oions  que  l'ange  parle  ainsi,  notons  que  ce  n'est  pas  tout  qu'un  homme  soit  esleve  en  dignite  d'honneur,  sinon  qu'il  s'acquite  de  l'office  et  de  la  charge  qui  luy  est  commise  de  Dieu,  c'est  un  estat  sainct  et  honorable  que  l'estat  de  iustice,  commencant  aux  roys  et  aux  princes,  iusques  a  tous  leurs  officiers,  et  a  ceux  qui  ont  le  baston  de  iustice  en  main,  mais  ce  n'est  pas  asses  qu'un  homme  puisse  dire,  ie  possede  la  couronne  de  droit,  sinon  qu'il  se  declare  et  se  monstre  par  effect  roy  et  prince  ordonne  de  Dieu.  Ainsi  donc  ce  passage  advertist  tous  ceux  qui  sont  en  dignite  et  preeminence,  qu'il  faut  qu'ils  s'acquitent  fidelement  de  leur  devoir,  et  qu'ils  sachent  a  quoy  et  a  quelle  fin  c'est  que  Dieu  les  ha  ordonnes,  car  s'ils  prophanent  le  siege  qui  est  dedie  a  Dieu,  il  faudra  qu'ils  soient  punis  selon  qu'ils  l'auront  merite.  Or  auiourd'huy  voila  la  principale  venterie  que  ait  le  Pape,  quand  il  veut  usurper  toute  domination  sur  l'Eglise  de  Dieu,  il  allegue  qu'il  ha  succede  aux  apostres,  luy  et  toutes  ses  bestes  cornues.  Or  prenons  le  cas  qu'ainsi  fust,  ce  qui  n'est  pas,  toutesfois  comment  se  gouvernent  ils  en  cela?  car  si  la  vocation  de  Dieu  doit  estre  estimee,  elle  le  sera  plus  aux  royaumes  terriens  et  aux  principautes,  qu'elle  ne  sera  pas  en  Tordre  ecclesiastique,  ie  dis  la  vocation  temporelle,  et  qu'ainsi  soit  combien  qu'un  prince  soit  tirant  et  cruel,  si  faudra  il,  que  Ton  luy  obeisse,  et  pourquoy?  Car  il  demeure  tousiours  en  son  degre  et  preeminence,  que  ses  suiets  luy  doivent  tousiours  obeissance,  mais  en  l'estat  ecclesiastique,  si  un  homme  est  appele  pour  gouverner  l'Eglise,  et  cependant  qu'il  n'en  face  rien  du  tout,  mais  tout  le  contraire,  cette  vocation  la  ne  merite  point  d'estre  prisee,  que  celuy  qui  la  voudra