40:37  37  IN  EZECHIELIS  PROPH.  CAP.  I.  38  coniunctas,  et  duas  fuisse  ita  extentas,  ut  vestirent  corpus  ipsum  vel  tegerent.  Sed  hic  brevius  attingit  quod  paulo  post  tradet  pluribus  verbis.  Alae  ergo  ipsorum  sic  sociatae  erant  ut  altera  alteram  contingeret.  Postea  aliud  tradet,  nempe  sic  animalia  iter  fecisse,  ut  non  reverterentur:  videtur  paulo  post  secum  ^pugnare,  ubi  dicit  animalia  cursitasse  instar  fulguris,  deinde  fuisse  reversa.  Sed  duo  haec  non  male  conveniunt,  quia  paulo  post  etiam  addet  explicationem,  nempe  animalia  sic  fecisse  iter  ut  tenderent  continuo  cursu  in  finem  suum,  vel  scopum:  non  sequitur  illic  quievisse  postea.  Ergo  animalia  quum  iter  facerent  non  deflectebant  in  hanc  vel  in  illam  partem,  neque  retrogradiebantur,  sed  peragebant  cursum  sibi  destinatum:  postea  instar  fulguris,  habebant  tamen  diversos  concursus.  Quid  hoc  sibi  velit  hora  non  patitur  nunc  exponere:  differam  ergo  in  crastinum.  Videndum  est  cur  propheta  dicat  unumquodque  animal  ambulasse  versus,  vel  contra  faciem  suam.  Ego  simpliciter  interpretor  cursum  fuisse  rectum,  ita  ut  non  aberraverint,  neque  declinaverint  aut  ad  dextram  aut  ad  sinistram  partem.  Nam  qui  vertunt  huc  et  illuc  faciem,  saepe  impingunt:  deinde  declinant  a  recta  via.  Fuit  igitur  tanta  attentio  in  animalibus,  ut  semper  in  scopum  tenderent,  neque  a  certo  consilio  deflecterent.  Proinde  videmus  hic  commendari  in  actionibus  divinis  certam  regulam,  et  inflexibilem,  ut  loquuntur.  Homines  subinde  mutant  consilium,  deinde  fluctuantur:  et  quum  aliquid  habent  propositum,  si  obrepat  diversa  cogitatio,  quasi  sui  obliti,  feruntur  in  contrariam  partem.  Deus  autem  ostendere  voluit  suas  actiones  ita  esse  compositas,  ut  nihil  in  illis  sit  obliquum  vel  erroneum.  Diximus  enim  per  animalia  repraesentari  angelos:  in  angelis  autem  proponi  effigiem  totius  gubernationis  mundi:  quia  tenendum  est,  ipsos  esse  tanquam  Dei  manus,  quoniam  applicat  eos  in  obsequium.  Nunc  sequitur,  10.  Et  similitudo  facierum  facies  hominis,  et  facies  leonis  ad  dextram  ipsis  quatuor:  facies  iovis  a  sinistra  ipsis  quatuor,  et  facies  aquilae  ipsis  quatuor.  Iam  descendit  ad  facies  vel  ora  ipsorum  animalium.  Facies  enim  proprie  dicitur  totius  corporis:  hic  autem  propheta  tantum  ora  intelligit.  Dicit  igitur  ad  dextram  fuisse  quasi  faciem  hominis  et  leonis,  ad  sinistram  vero  faciem  bovis,  et  aquilae.  Diximus  heri  cur  angelis  Dei  adscribat  quatuor  capita,  et  totidem  facies:  quia  scilicet  tantus  erat  populi  stupor,  ut  non  agnosceret  providentiam  Dei  in  singulis  mundi  partibus.  Nam  scimus  stulta  confidentia  sic  fuisse  inebriatos,  ut  Deum  vellent  tenere