4:37  37  LIVRE  III.  CHAPITRE  II.  38  leurs  complaintes:  et  quand  il  semble  advis  qu'ils  ne  doyvent  estre  nullement  exaucez,  encore  ils  l'invoquent.  Car  a  quel  propos  se  plaindroyent-ils  a  celuy  duquel  ils  n'attendroyent  nul  soulagement?  et  comment  seroyent-ils  induits  a  l'invoquer,  sinon  qu'ils  esperassent  avoir  quelque  aide  de  luy?  En  telle  maniere  les  disciples,  esquels  Iesus  Christ  reprend  l'imbecillite  de  foy,  crioyent  bien  qu'ils  perissoyent:  toutesfois  ils  imploroyent  son  aide  (Matth.  8,  25).  Et  de  fait,  *)  en  les  redarguant  comme  debiles  en  foy,  il  ne  les  reiette  pas  du  nombre  des  siens  pour  les  mettre  avec  les  incredules,  main  les  incite  a  se  retirer  d'un  tel  vice.  Nous  affermons  donc  derechef  ce  qui  a  este  cy  dessus  dit  :2)  c'est  que  la  racine  de  foy  n'est  iamais  du  tout  arrachee  du  coeur  fidele  qu'elle  n'y  demeure  tousiours  fichee,  combien  qu'estant  esbranlee  elle  semble  advis  encliner  ca  et  la:  que  la  lumiere  d'icelle  n'est  iamais  tellement  esteinte  ou  sufibquee,  3)  que  pour  le  moins  il  n'y  en  demeure  tousiours  quelque  estincelle  :4)  et  que  par  cela  on  peut  iuger  que  la  Parolle,  estant  semence  incorruptible  de  vie,  produit  fruit  semblable  a  soy,  duquel  le  germe  ne  desseche  ne  perit  iamais.  Ce  que  demonstre  Iob,  quand  il  dit  qu'il  ne  laissera  point  d'esperer  en  Dieu,  encore  mesme  qu'il  l'occist  (Iob  13,  15).  Or  est-il  ainsi  que  les  Saincts  n'ont  iamais  plus  grande  matiere  de  desespoir,  que  quand  ils  sentent  la  main  de  Dieu  dressee  pour  les  confondre,  selon  qu'ils  en  peuvent  estimer  par  l'estat  des  choses  presentes.  Il  est  ainsi  6)  pour  vray.  L'incredulite  ne  regne*  point  dedans  le  coeur  des  fideles,  mais  elle  les  assaut  par  dehors  :  et  ne  les  navre  point  mortellement,  c)  mais  elle  les  moleste  seulement,  ou  bien  elle  les  navre  en  sorte  que  la  playe  est  curable.  Car  comme  dit  sainct  Paul,  la  foy  nous  est  pour  bouclier  (Ephes.  6,  16).  Icelle  donc  estant  mise  au  devant  pour  resister  au  diable,7)  recoit  tellement  les  coups,  qu'elle  les  repousse,  ou  pour  le  moins  les  rompt  en  sorte  qu'ils  ne  penetrent  point  iusques≫  au  coeur.  Pourtant  quand  la  foy  est  esbranlee,  c'est  tout  ainsi  comme  si  un  gendarme,  estant  autrement  robuste,  estoit  contraint  d'un  coup  impetueux  de  reculer  et  se  retirer8)  en  arriere:  quand  elle  est  navree,  c'est  comme  si  le  bouclier  d'un  gendarme  recevoit  quelque  casseure  de  la  violence  d'un  coup,  seulement  iusques  a  estre  fausse,  et  non  point  perce  :  1)  Et  de  fait  .  .  .  .  d'un  tel  vice,  addition  de  1559.  2)  V.  sect.  11.  du  Chapitre.  3)  ou  suffoquee,  addition  de  1559;  de  meme  que  les  mots  qui  suivent:  et  que  p  a  r  cela  .  .  .  .  ne  perit  iamais.  4)  Le  latin  ajoute:  velut  sub  favilla.  5)  Tout  le  passage:  II  est  ainsi  .  .  .  .  il  est  chasse  hors,  appartient  a  la  redaction  de  1545.  6)  Le  latin  ajoute:  suis  telis.  7)  pour  resister  au  diable,  n'est  pas  dans  le  latin.  8)  Le  latin  ajoute:  paulum.