37:37  37  CAPUT  XLI.  38  Quod  se  primum  nominat,  et  cum  novissimis  se  esse  dicit,  hoc  pertinet  non  ad  aeternitatem  essentiae  modo,  sed  ad  imperium  quod  in  terra  exercet:  ac  si  diceret  se  quantumvis  longo  tempore  non  senescere,  neque  unquam  cessurum  iure  suo.  Nec  enim  in  coelis  sedens  otium  colit,  sed  potius  ex  solio  suo  moderatur  res  terrenas.  Caeterum,  quamvis  innumeram  deorum  turbam  substituat  mundus,  sibi  tamen  nihil  decedere  admonet,  quia  sui  manebit  similis.  5  et  6.  (Videbunt  insulae.)  Nunc  ostendit  nimis  ingratum  fuisse  mundum,  qui  cum  opera  Dei  agnoverit,  perstiterit  tamen  in  eadem  caecitate  cui  ante  addictus  fuerat.  Nuper  dixerat  se  facile  victorem  fore,  si  modo  audientia  sibi  fieret:  nunc  subiicit,  cognitam  fuisse  potentiam  suam  a  gentibus,  easque  interea  pervicaces  atque  obstinatas  fuisse.  Quo  fit  ut  excusatione  omni  careant:  quoniam  abunde  patefacta  fuerit  Dei  maiestas,  nisi  sponte  caecutire  malent.  Quo  igitur  velamen  inscitiae  tollat  vel  remotissimis  populis,  dicit  operum  suorum  intuitu  fuisse  expavefactos,  et  tamen  mox  ad  ingenium  rediisse  ut  se  multis  erroribus  et  deliriis  involverent.  Concinna  est  in  duobus  verbis  allusio,  1K"P1  1N1,  quae  latine  exprimi  non  potest.  Summa  tamen  est,  non  modo  oculatos  fuisse  testes,  sed  etiam  ita  convictos,  ut  metum  illis  extorserit  ipsa  cognitio.  Posset  obiici,  beneficia  quae  Deus  in  Abrahamum  contulit,  per  totum  orbem  celebrari  non  potuisse,  ut  exteris  nationibus  nota  essent.  Verum,  ut  diximus,  tametsi  Abrahae  tantum  mentionem  facit,  tamen  alia  quoque  beneficentiae  suae  exempla  in  memoriam  reducere  voluit,  quae  patres  ipsorum  erant  experti,  ut  ex  iis  spem  meliorem  animo  conciperent.  Nec  enim  Abrahamum  solummodo  e  Chaldaea  eduxerat,  sed  universam  eius  sobolem  eripuit  e  servitute  Aegypti,  atque  in  possessionem  misit  terrae  Chanaan.  Gentes  igitur  potentiam  suam  expertas  esse  dicit,  quum  liberavit  et  conservavit  populum  suum,  ut  ipsum  verum  esse  Deum  intelligere  possent.  Nec  enim  obscura  aut  dubia  in  tot  miraculis  apparuit  potentia  ipsius.  Denique  significat  conterritas  fuisse  gentes  admirabili  potentia  Dei,  quum  populum  suum  liberaret.  Et  quotidie  impii,  quum  de  ea  aliquid  audiunt,  terrentur,  et  attoniti  redduntur,  quia  sibi  adversum  esse  Deum  sentiunt.  (Accesserunt.)  Quidam  interpretantur  Accedere,  quod  infideles  propius  Dei  opera  intuiti  sint:  quia  dum  certius  aliquid  percipere  volumus,  propius  accedimus.  Alii  referunt  ad  regem  Sodomae,  qui  obviam  Abrahae  venit:  sed  ea  convenire  mihi  non  videntur.  Et  certe  nihil  ad  rem  faciunt:  et  contextus  optime  cohaeret,  si  hanc  extremam  partem  cum  proximo  versu  coniungas  hoc  modo:  accesserunt,  congregati  sunt,  unusquisque  proximum  suum  ad-