35:37  37  IOB  CHAP.  XXXII.  38  Que  si  ceste  marque  qui  a  este  obscure  en  Eliu,  nous  doit  servir,  afin  que  sa  doctrine  soit  receue  en  pleine  obeissance:  et  que  sera-ce  des  approbations  si  grandes  et  magnifiques,  comme  Dieu  les  a  donnees  a  sa  Loy,  et  a  toutes  ses  Propheties?  Il  est  vray  qu'Eliu  porte  la  pure  parole  de  Dieu,  et  que  ce  qui  est  procede  de  sa  bouche  il  faut  que  nous  le  tenions  comme  venu  du  sainct  Esprit.  Et  pourquoy?  Pource  que  Dieu  Pa  ainsi  incite  a  une  telle  vehemence.  Mais  si  nous  regardons  comme  Dieu  a  magnifie  et  approuve  sa  Loy  :  et  la  doctrine  des  Prophetes,  nous  verrons  la  une  facon  bien  plus  magnifique.  Oar  quand  la  Loy  fut  publiee,  l'air  en  a  retenti,  le  ciel  est  esmeu  en  tonnerres  et  esclairs,  la  trompette  a  sonne  aux  nues,  la  terre  en  a  tremble,  les  montagnes  se  sont  remuees  comme  brebis  a  la  voix  de  Dieu:  bref,  il  n'y  a  eu  element  qui  n'ait  donne  tesmoignage  a  ceste  doctrine,  monstrant  qu'elle  estoit  du  tout  celeste:  les  miracles  ont  suivi  aussi  quand  les  Prophetes  ont  parle:  c'a  este  tousiours  avec  si  grande  approbation,  que  la  vertu  celeste  qui  est  la,  apparue,  nous  devroit  crever  les  yeux  par  maniere  de  dire,  si  nous  ne  la  contemplons.  Et  pourtant  apres  que  nous  aurons  cognu,  que  Dieu  par  une  seule  marque  qu'il  a  donnee  a  Eliu,  a  voulu  que  sa  doctrine  fust  receue  comme  authentique:  cognoissons  quand  il  est  question  de  la  Loy  et  des  Prophetes,  que  la  nous  devons  bien  estre  plus  esmeus  et  incitez  :  comme  ceci  qui  est  dit  d'Eliu,  n'est  qu'un  accessoire.  Voila  donc  ce  que  nous  avons  a  retenir  en  premier  lieu.  Or  pour  le  second  il  nous  faut  aussi  noter,  que  tout  ainsi  qu'Eliu  a  este  esmeu  de  zele  voyant  qu'on  desguisoit  la  verite  de  Dieu,  et  qu'on  falsifioit  sa  parole,  il  faut  que  nous  ayons  une  semblable  affection  pour  le  moins.  Quand  donc  les  faux  prophetes  se  viendront  eslever  pour  obscurcir  la  bonne  doctrine,  que  les  meschans  desguiseront  leurs  blasphemes  pour  induire  le  monde  au  mespris  de  Dieu  et  de  sa  parole,  qu'une  mauvaise  cause  sera  maintenue,  qu'on  voudra  renverser  le  droit:  que  nous  ne  soyons  point  muets  ni  nonchalans,  mais  que  nous  ayons  ceste  vehemence  en  nous,  telle  qu'elle  nous  est  ici  monstree.  Car  si  nous  n'avons  ce  zele  de  Dieu  a  sa  verite,  nous  monstrons  que  nous  ne  sommes  point  ses  enfans.  Et  ainsi  retenons  bien  l'exemple  qui  nous  est  ici  propose  en  la  personne  d'Eliu.  Et  mesmes  faisons  comparaison  de  nous  avec  luy:  car  si  un  homme  qui  n'avoit  point  este  nourri  en  l'escole  de  Dieu,  qui  estoit  la  enveloppe  parmi  les  incredules,  a  este  ainsi  esmeu  de  zele,  quand  Dieu  l'a  touche,  qu'il  a  este  la  angoisse,  comme  s'il  devoit  estre  fendu,  iusques  a  ce  qu'il  ait  descharge  sa  conscience:  et  ie  vous  prie,  que  sera-ce  de  nous,  quand  Dieu  nous