33:37  37  IOB  CHAP.  II.  38  quand  on  les  condamne.  Et  puis  il  nous  faut  noter,  qu'il  faut  que  Dieu  besongne  beaucoup  plus  miraculeusement  en  un  homme  riche  qu'en  un  povre,  comme  nous  avons  dit.  Car  nous  avons  monstre  la  difficulte  qu'aura  un  homme,  quand  les  biens  lui  abondent,  a  se  maintenir  en  simplicite  et  droiture.  Il  est  donc  besoin  que  Dieu  desploye  une  vertu  singuliere  de  son  sainct  Esprit  pour  conserver  les  riches,  afin  qu'ils  ne  se  corrompent  pas.  Or  si  on  mesprise  une  telle  grace  de  Dieu,  no  s'esleve-on  point  a  l'encontre  de  lui?  Par  cela  donc  nous  sommes  admonestez  de  ne  point  condamner  les  richesses  de  soy:  comme  aussi  nous  voyons  que  nostre  Seigneur  Iesus  Christ  nous  le  monstre,  conioignant  au  royaume  des  cieux  les  povres  avec  les  riches,  quand  il  parle  du  Lazare  en  sainct  Luc.  Il  dit  bien  la  que  les  Anges  ont  porte  le  Lazare,  combien  qu'il  fust  reiette  des  hommes,  que  ce  fust  une  povre  creature  dont  on  ne  tenoit  conte,  en  sorte  qu'il  estoit  la  delaisse  de  tous:  neantmoins  voila  les  Anges  qui  portent  son  esprit  au  sein  d'Abraham.  Et  qui  estoit  Abraham?  Un  homme  riche,  et  en  bestail,  et  en  argent,  et  en  famille,  en  toutes  choses,  excepte  en  possessions,  et  champs,  car  cela  aussi  ne  lui  estoit  point  licite.  Il  falloit  qu'il  attendist  que  Dieu  lui  donnast  le  pais  de  Chanaan  en  heritage.  Il  est  vray  qu'il  acheta  bien  un  sepulchre,  mais  il  n'avoit  nul  heritage,  cependant  si  est-ce  que  son  avoir  estoit  bien  gros.  Quand  donc  nous  voyons  que  l'ame  du  Lazare  est  portee  par  les  Anges  au  sein  d'Abraham,  qui  est  le  pere  des  fideles,  cognoissons  que  Dieu  par  sa  grace,  et  par  sa  bonte  infinie  appele  et  les  riches  et  les  povres  a  salut.  Et  c'est  a  ce  propos  aussi  que  8.  Paul  dit,  (1.  Tim.  2,4)  que  Dieu  veut  que  tous  hommes  soient  sauvez,  car  il  parle  des  princes  et  des  rois,  lesquels  s'abusent  ordinairement  en  leur  grandeur,  et  ne  se  peuvent  renger  a  Dieu:  il  leur  semble  mesme  qu'ils  ne  soyent  plus  hommes  mortels:  tant  y  a  que  Dieu  en  discerne  d'aucuns,  et  ne  veut  point  que  tout  soit  perdu,  et  perisse.  Voila  donc  ce  que  nous  avons  a  noter.  Mais  cependant  que  les  riches  ne  se  flattent  point,  mais  qu'ils  cognoissent  qu'ils  sont  comme  sur  une  glace,  ou  ils  pourroyent  bien  tost  trebuscher,  qu'ils  sont  comme  au  milieu  des  espines,  qu'il  faut  bien  donc  qu'ils  se  gardent  songneusement  d'estre  picquez.  Voila  donc  comme  nous  devons  tous  estre  incitez  a  solicitude  pour  nous  recommander  a  Dieu,  a  fin  de  cheminer  selon  la  volonte.  Or  sur  ce  qu'il  est  dit,  que  Iob  avoit  sept  enfans  masles,  et  trois  filles,  notons  que  c'est  pour  signifier  que  Dieu  avoit  mis  sa  benediction  sur  lui  pour  le  faire  prosperer  en  toutes  sortes.  Et  (comme  desia  nous  avons  touche)  nous  verrons  ci  apres  mieux  la  cause  pourquoi  tout  ceci  est  exprime,  et  l'intention  du  sainct  Esprit,  c'est  a  savoir,  que  c'a