32:37  37  PSALMUS  XCVI.  38  officium,  gentes  mutae  erant  ac  surdae.  Interim  non  dubium  est  quin  aub  lege  fideles  incitaverit  spiritus  sanctus  ad  canendas  Dei  laudes,  donec  Christus  omnes  mundi  angulos  gloria  sua  illustrans,  illuc  usque  extenderet  verae  doctrinae  lucem.  1.  Cantate  Iehovae  canticum  novum,  cantate  Iehovae  omnis  terra.  2.  Cantate  Iehovae^  benedicite  nomini  eius,  praedicate  de  die  in  diem  salutem  eius.  3.  Narrate  in  gentibus  gloriam  eius,  in  omnibus  populis  mirabilia  eius.  1.  (Cantate  Iehovae  canticum  novum.)  Docet  exordium  quod  dixi,  prophetam  non  solos  Israelitas,  sed  promiscue  totum  orbem  hortari  ad  testandam  pietatem.  Quod  fieri  non  potuit  donec  per  evangelium  Deus  passim  innotuit.  Tenendum  enim  semper  est  illud  Pauli  Rom.  10,  14:  Quomodo  invocabunt  eum  in  quem  non  crediderunt?  Et  quum  idem  alibi  gentium  vocationem  probet  hoc  testimonio,  Laudate  gentes  cum  populo  eius  Rom.  15,10,  sequitur  in  laudum  concentu  esse  fidei  societatem.  Adde  quod  non  vulgare  vel  usitatum  canticum  sed  novum  requirit  propheta.  Unde  colligimus,  sermonem  haberi  de  insolita  et  extraordinaria  Dei  gratia.  Quemadmodum  Iesaias  42,  10  ubi  de  instauratione  ecclesiae  loquitur,  quia  incredibile  erat  miraculum,  dicit,  Cantate  Domino  canticum  novum.  Admonet  igitur  propheta  venturum  esse  tempus  quo  Deus  inopinato  more  regnum  suum  eriget.  Clarius  iterum  exprimit  participes  fore  omnes  populos  gratiae  Dei,  iubens  ubique  praedicari  eius  salutem  :  et  salutem  hanc  non  esse  caducam  vel  evanidam,  sed  perpetuo  vigere  confirmat:  quia  vult  de  die  in  diem  celebrari.  3.  (Narrate  in  gentibus  gloriam  eius.)  Aliis  nominibus  insignit  salutem  illam,  nempe  gloriae  et  mirabilium:  ac  si  diceret,  gloriosam  fore  et  admirabilem  ,  quibus  epithetis  eam  discernit  ab  antiquis  iiberationibus  :  ut  certe  nobilius  tunc  et  praestantius  quam  antehac  immensae  tum  bonitatis  tum  potentiae  suae  specimen  Deus  edidit,  quum  apparuit  toti  mundo  redemptor.  Haec  vero  salus,  ut  nuper  attigi,  gentibus  praedicari  non  potuit,  si  eius  fuissent  expertes.  Monemur  autem  his  verbis,  non  aliter  nos  pro  merito  redemptionem  a  Christo  partam  satis  agnoscere,  nisi  ad  incomparabile  miraculum,  quod  in  ea  resplendet,  sensus  nostros  attollimus.  4.  Quia  magnus  Iehova  et  laudabilis  valde,  terribilis  ipse  super  omnes  deos.  5.  Quia  omnes  dii  gentium  vanitates:*)  Iehovah  autem  coelos  fecit.  6.  Fortitudo  et  decor  coram  eo,  robur  et  decus  in  sanctuario  eius.  *)  vanite,  en  marge:  ou  idoles.