29:37  37  SUR  LE  DEUTER.  CHAP.  XXXII.  38  maintenant  la  durte  qui  a  este  en  luy,  et  aussi  l'aveuglement  plus  que  brutal.  Or  ceste  reproche  est  bien  a  noter:  car  nous  savons  que  c'est  comme  le  comble  de  toute  condamnation,  quand  Dieu  nous  aura  chastiez,  et  qu'il  n'aura  rien  gagne  envers  nous,  que  ses  verges  auront  este  inutiles,  que  c'a  este  comme  si  on  frappoit  d'un  marteau  sur  une  enclume.  Quand  donc  Dieu  aura  perdu  ainsi  sa  peine  a  nous  chastier,  c'est  signe  que  nos  maladies  sont  incurables  du  tout.  Et  voila  pourquoy  il  fait  comme  un  pere  qui  gemit  (au  premier  chapitre  d'Isaie).  Et  quoy  (dit-il)  et  qu'est-ceci?  il  n'y  a  depuis  le  sommet  de  la  teste  iusques  a  la  plante  des  pieds  nulle  sante  en  ce  peuple.  Et  toutesfois  ie  le  voy  tel  qu'il  a  este  par  ci  devant,  il  ne  s'est  point  amende:  et  faut-il  que  i'ay  e  travaille  en  vain?  Nous  voyons  a  quoy  tend  cela  :  c'est  que  Dieu  monstre  que  les  hommes  sont  comme  endiablez  du  tout,  quand  ils  ne  cognoissent  point  qu'il  les  veut  amener  a  correction,  lors  qu'il  les  afflige.  Si  donc  nous  rongeons  nostre  frein,  quand  Dieu  nous  envoyera  de  telles  admonitions,  il  est  certain  que  nous  sommes  incorrigibles  du  tout.  Pensons  donc  mieux  a  nous,  et  que  si  tost  que  Dieu  levera  le  doigt,  et  nous  fera  sentir  son  ire,  que  nos  pechez  nous  viennent  devant  les  yeux,  et  que  nous  y  pensions  pour  nous  y  desplaire,  et  pour  retourner  aussi  a  luy.  Voila  dequoy  nous  sommes  admonnestez  en  ce  passage,  que  nous  regardions  mieux  aux  verges  de  Dieu,  et  que  nous  ne  regimbions  point  contre  l'esperon:  car  nous  n'y  gagnerons  rien.  Nous  oyons  ce  qui  est  dit  en  la  Loy,  comme  desia  nous  l'avons  allegue,  et  que  nous  l'avons  veu  au  28.  chapitre,  c'est  assavoir  que  si  nous  marchons  a  l'estourdie  a  l'encontre  de  Dieu,  qu'il  faudra  aussi  qu'il  frappe  sur  nous  a  tors  et  a  travers.  Ainsi  donc  notons  bien  les  advertissemens  que  nous  oyons.  Quand  il  y  viendra  quelque  cherte  de  vivres,  ne  pensons  point  que  Dieu  dorme  au  ciel:  c'est  luy  qui  nous  esprouve,  afin  que  nous  pensions  a  nos  offenses,  afin  que  nous  soyons  tant  plus  sur  nos  gardes,  cognoissans  que  ce  sont  les  verges  par  lesquelles  il  nous  chastie.  Et  ne  le  fait  point  sans  cause:  mais  c'est  pour  nous  humilier,  et  pour  avancer  tousiours  nostre  salut,  iusques  a  ce  qu'il  nous  y  ait  amenez  du  tout.  Que  donc  nous  soyons  enseignez  d'estre  tousiours  ramenez  a  cognoissance  de  nos  vices,  et  de  nos  pechez,  quand  Dieu  nous  y  convie  et  nous  y  exhorte  :  et  que  pour  ce  faire  nous  soyons  attentifs  a  toutes  les  afflictions  que  nous  souffrons,  sachans  bien  qu'elles  nous  doivent  servir  d'autant  d'instruction.  Et  apres  cela  aussi  Moyse  adiouste  :  Que  leur  Fort  n'est  point  comme  le  nostre,  c'est  a  dire,  que  les  idoles  qu'adorent  les  Payens  ne  sont  pas  semblables  a  nostre  Dieu.  Et  qu'ainsi