28:37  37  SUR  LE  DEUTER.  CHAP.  XXII.  38  question  d'avoir  une  rigueur  barbare,  tellement  que  les  hommes  soyent  privez  de  ce  que  Dieu  leur  donne:  mais  seulement  reprimons  nos  convoitises,  et  que  nous  advisions  bien  ce  que  Dieu  nous  permet,  pour  aller  iusques  la,  et  ne  passons  point  plus  outre,  quand  nous  voyons  qu'une  chose  ne  nous  est  point  licite  selon  Dieu.  Or  nostre  Seigneur  nous  commande  d'avoir  simplicite:  ii  s'ensuit  donc  que  tous  meslinges  et  desguisemens  sont  tousiours  mauvais:  ce  sont  autant  de  vices  que  Dieu  reprouve.  Et  si  cela  se  cognoist  au  boire  et  au  manger,  encores  plus  aux  accoustremens.  Ie  vous  prie,  comment  en  est-on  auiourd'huy?  Il  est  vray  que  desia  des  long  temps  ce  vice  a  regne  aux  hommes:  et  ce  n'est  point  sans  cause  que  l'Escriture  saincte  en  parle:  mais  si  est-ce  auiourd'huy  plus  que  iamais.  Le  Prophete  Isaie  parlant  des  accoustremens  des  femmes,  pource  qu'elles  estoyent  si  curieuses  a  s'attiffer,  qu'elles  avoyent  tant  de  menus  bagages:  il  debchiffre  tout  comme  s'il  avoit  fait  les  inventaires  des  cabinets,  qu'il  ne  laisse  nulle  piece  qu'il  ne  la  declaire  depuis  le  sommet  de  la  teste,  tous  ces  affiquets,  toutes  ces  finferluches,  iusques  a  la  plante  des  pieds:  et  dit  que  Dieu  saura  bien  faire  une  reformation  violente,  d'autant  qu'elles  estoyent  rusees  par  trop,  et  que  ce  mal-la  ne  pouvoit  estre  gueri.  Mais  auiourd'huy  on  le  voit  plus  que  iamais,  et  nulle  variete  ne  contente  les  hommes,  c'est  tousiours  a  recommencer,  qu'on  inventera  et  ceci  et  cela  sans  qu'il  y  ait  iamais  fin.  Et  qui  en  est  cause,  sinon  que  nous  monstrons  bien  que  nous  n'avons  gueres  de  soin  de  nos  ames,  quand  les  corps  nous  occupent  ainsi,  et  que  nous  laissons  nos  ames  rouillees,  quand  nous  cerchons  par  nos  folles  convoitises  tant  de  belles  parures,  et  tant  d'inventions  pour  nous  monstrer  selon  le  monde?  Or  donc  notons,  que  toutes  ces  curiositez  declairent  que  les  hommes  et  les  femmes  despittent  Dieu,  pource  qu'ils  ne  se  peuvent  tenir  en  cest  ordre  de  nature,  qui  est  la  vraye  reigle:  et  par  consequent  ils  polluent  l'usage  de  ses  creatures.  Et  ainsi,  il  ne  se  faut  point  arrester  aux  filets  dont  les  robes  seront  tissues,  pour  dire,  Dieu  a  defendu  d'avoir  robes  de  laine  et  de  lin  :  mais  cognoissons  que  nostre  Seigneur  a  voulu  qu'il  y  eust  une  facon  simple  et  naifve  en  nos  accoustremens,  et  qu'il  n'y  eust  point  tant  de  fanfares  pour  desguiser  les  choses,  et  pour  chercher  des  paremens  superflus.  Car  quand  cela  est,  c'est  comme  si  on  venoit  mettre  confusion  en  un  mesnage.  Voila  un  mesnage  qui  sera  bien  ordonne:  et  si  quelcun  venoit  renverser  pots  et  plats,  et  qu'il  meslast  les  linceux  parmi  les  nappes  et  serviettes,  tellement  que  tout  fust  la  confus,  que  seroit-ce?  Ainsi  en  est-il  quand  nous  ne  pouvons  tenir  mesure,  pour  appliquer  a  nostre  usage  ce  que  Dieu  nous  a  donne:  voire,  donne  a