27:37  37  SUR  LE  DEUTER.  CHAP.  X.  38  la  Loy.  Or  ceste  reverence-la  demande  aussi  bien  l'amour.  Car  Dieu  veut  estre  honore  d'une  affection  cordiale.  Si  nous  adorons  sa  maieste,  et  cependant  qu'elle  nous  soit  terrible,  et  que  nous  en  soyons  effrayez:  nous  voudrions  qu'il  ne  fust  plus  Dieu,  pour  l'arracher  de  son  siege  s'il  nous  estoit  possible.  Tous  ceux  qui  adorent  Dieu,  sachans  bien  qu'ils  ne  peuvent  eschapper  de  sa  main,  et  qui  le  cognoissent  seulement  comme  createur:  ceux-la  (di-ie)  n'estans  point  touchez  d'une  amour  franche  fuyront  Dieu,  et  quand  ils  en  orront  parler,  ce  leur  sera  une  chose  fascheuse:  s'il  estoit  en  leur  choix  et  liberte,  ne  le  voudroyent-ils  point  (comme  i'ay  desia  dit)  arracher  de  son  siege?  Ainsi  il  est  impossible  que  nous  craignions  Dieu  sinon  en  l'aimant,  ie  di  que  nous  luy  portions  une  reverence  droite,  et  que  nous  soyons  affectionnez  envers  luy,  et  que  nous  sentions  quelle  est  sa  bonte,  et  que  c'est  la  qu'il  nous  faut  cercher  tout  nostre  bien.  Si  donc  nous  n'avons  ceste  amour,  la  reverence  aussi  sera  nulle,  elle  sera  aneantie.  Ainsi  apprenons  que  Dieu  demande  sacrifices  volontaires  de  nous,  c'est  a  dire,  qu'un  chacun  se  presente  non  point  par  force,  et  necessite,  mais  d'une  devotion  telle,  que  nous  desirions  de  le  servir,  et  que  nous  puissions  protester  avec  David,  que  non  seulement  sa  Loy  nous  est  precieuse  par  dessus  l'or  et  l'argent:  mais  qu'elle  nous  est  douce,  et  amiable  par  dessus  le  miel.  Voila  donc  qu'emporte  le  second  mot  de  Amour  qui  est  ici  mis.  Or  le  troisieme  est  le  Service:  car  si  nous  faisions  semblant  par  ceremonies  et  agios  (comme  on  dit)  de  vonloir  adorer  Dieu,  et  cependant  qu'il  ne  tirast  nul  service  de  nous,  ne  seroit-ce  pas  se  mocquer?  Si  les  hommes  declairent  que  leur  intention  est  d'honorer  Dieu,  et  qu'ils  l'aiment,  et  qu'ils  se  submettent  a  luy,  et  cependant  qu'ils  hoschent  la  teste  quand  Dieu  leur  propose  ses  commandemens:  ou  sera-ce  aller?  et  s'ils  ne  monstrent  nul  signe,  qu'on  n'appercoyve  nulle  experience  au  coeur  de  ceste  amour  dont  il  parle?  Ainsi  apprenons  qu'il  faut  manifester  par  effect,  si  nous  aimons  Dieu,  et  si  nous  le  craignons  :  et  quel  en  sera  le  tesmoignage  et  l'effect?  le  service  que  nous  luy  rendrons,  c'est  assavoir  quand  chacun  ne  fera  point  du  cheval  eschappe,  que  nous  ne  prendrons  point  licence  de  vivre  selon  nos  cupiditez,  et  nos  appettits:  mais  que  nous  souffrions  que  Dieu  domine  par  dessus  nous,  que  nous  ne  demandions  sinon  qu'il  tienne  la  bride,  et  que  nous  plions  sous  luy,  et  qu'il  nous  tourne  ca  et  la  selon  sa  bonne  volonte.  Et  ainsi  donc  nous  voyons  que  il  faut  monstrer  comment  c'est  que  nous  aimons  Dieu,  en  le  servant:  mais  pource  que  les  hommes  sont  enclins  a  forger  des  services  a  leur  poste,  et  qu'encores  se  glorifient-ils  d'avoir  servi  a  Dieu,  quand  ils  auront  suivi  leurs  folles  inventions,